جنگ مخالف برطانوی تنظیمیں فلسطینیوں کے حق میں لندن کی سڑکوں پر نکل آئیں۔ اسرائیلی جارحیت کے خلاف ایک بڑا مظاہرہ کیا گیا۔
وسطی لندن میں ہونے والے احتجاجی مظاہرے میں شریک افراد اسرائیلی جارحیت کی سخت مذمت کی۔
مظاہرین کا کہنا تھا کہ جنگ بندی کے باوجود اسرائیل اب بھی بلا خوف غزہ میں حملے کررہاہے ۔ مظاہرین نے کہا کہ سفاکایت کے باوجود دنیا خاموشی سے تماشائی بنی ہوئی ہے۔
لندن میں بارش اور سخت سردی تھی اس کے باوجود مظاہرین بڑی تعداد میں موجود تھے۔ موسم کی سختی کے باوجود شرکا کی تعداد میں کوئی فرق نہیں پڑا۔
اس موقع پر مظاہرے کا آغاز ہائیڈ پارک کارنر سے ہوا اور شرکاء مختلف شاہراہوں سے ہوتے وائیٹ ہال پہنچے۔
شرکاء تمام راستے اسرائیل کے خلاف اور فلسطینیوں کے حق میں نعرے بلند کرتے رہے۔
مظاہرے میں شریک مختلف جنگ مخالف تنظیموں کے رہنماؤں کے علاوہ شرکاء کا کہنا تھا کہ اسرائیل غزہ میں نسل کشی کا سلسلہ بند کرے اور اپنا غیر قانونی تسلط ختم کرے۔
انہوں نے برطانیہ سے بھی مطالبہ کیا کہ اسرائیل کو اسلحہ کی فروخت بند کرے۔
