117 دن بعد انٹرنیشنل کرکٹ کی واپسی بارش سے متاثر

سید قاسم رضا

08th Jul, 2020. 07:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

117 دن بعد انٹرنیشنل کرکٹ کی واپسی بارش سے متاثر

کورونا وائرس کی عالمی وباء کے باعث دیگر کھیلوں کی طرح کرکٹ بھی بری طرح متاثر ہوئی اور 117 روز تک انٹرنیشنل کرکٹ بندش کا شکار رہی۔

طویل انتظار کے بعد شائقین کرکٹ آج سے شروع ہونے والی انگلینڈ اور ویسٹ انڈیز کے درمیان ٹیسٹ سیریز کے بے چینی سے منتظر تھے تو ایسے میں بارش نے بھی خوب رنگ جمایا اور شائقین کے صبر کا مزید امتحان لیا۔

ایجس باؤل کرکٹ گراؤنڈ میں آؤٹ فیلڈ گیلی ہونے کے سبب نہ صرف ٹاس تاخیر کا شکار ہوا بلکہ پہلےسیشن کا کھیل ہی نہ ہوسکا۔

انگلینڈ نے ٹاس جیت کر بیٹنگ کا فیصلہ کیا تو 3 اوورز بعد پھر بارش کے سبب کھیل روکنا پڑا۔کچھ دیر بعد کھیل دوبارہ شروع ہوا تو صرف 7 بالز ہی کی جاسکیں تھیں کہ پھر بارش شروع ہوگئی۔

انگلینڈ اور ویسٹ انڈیز کے درمیان جاری پہلے ٹیسٹ میچ میں اب تک صرف 4.1 اوورز کا کھیل ممکن ہوسکا ہے اور انگلینڈ نے ایک وکٹ کے نقصان پر 3 رنز بنائے ہیں۔

واضح رہے کہ کورونا وائرس کی عالمی وباء کے سبب کرکٹ قوانین میں کئی تبدیلیاں کی گئی ہیں جن کا اطلاق اس میچ سے ہوگیا ہے۔