کے الیکٹرک نے نیپرا اتھارٹی کے بعدوفاقی حکومت کو بھی ماموں بنادیا ،قوانین کی طرح وفاقی وزرا اور گورنر سندھ سےلوڈ شیڈنگ نہ کرنے وعدہ توڑ دیا۔

تفصیلات کے مطابق کراچی میں بدترین اعلانیہ اور غیر اعلانیہ لوڈ شیڈنگ کا سلسلہ جاری ہے،گزشتہ چوبیس گھنٹوں کے دوران کئی علاقوں میں پندرہ گھنٹے تک بجلی کی بندش کی گئی۔

ذرائع کے مطابق لوڈشیڈنگ سے مستثنی علاقوں میں بھی چھ تا آٹھ گھنٹے بجلی بند رہی جبکہ بارشوں کے باعث اسی فیڈرز سے منسلک علاقےتاحال سپلائی سے محروم ہیں۔

فرنس آئل بھی موجود اور بغیر معاہدے اضافی گیس کی سپلائی بھی جاری مگر بجلی کی پیداوار تاحال نہیں بڑھائی گئی۔

لوڈشیڈنگ سے متاثرہ علاقوں میں ناظم آباد ، فیڈرل بی ایریا ، گلستان جوہر ، ملیر ، کیماڑی

اس کے علاوہ کھارادر ، لیاری ، مواچھ گوٹھ ، سعید آباد ، بلدیہ ٹاون میں مخلتف اوقات میں پندرہ گھنٹے تک بجلی بند رہی۔

شیر شاہ ، میٹرول ، بنارس ، اورنگی ٹاون ، سرجانی میں بھی اعلانیہ اور غیر اعلانیہ بجلی کی بندش جاری ہے۔

پاپوش نگر ، لیاقت آباد ، رضویہ سوسائٹی ، اسکیم تینتیس ، سہراب گوٹھ ، میمن گوٹھ میں بھی بجلی بند  جبکہ نیو کراچی ، بفرزون ، ڈسکو موڑ، شاہراہ نورجہاں میں نو تا دس گھنٹے لوڈ شیڈنگ  ہے۔

صرف یہی نہیں ان علاقوں میں بجلی کی بندش کے باعث اب پانی کا بھی بحران پیدا ہوگیا ہے۔