وزیر اطلاعات پنجاب فیاض الحسن چوہان کا کہناہے کہ شریف خاندان بڑا فنکار ہے، پاپڑ والے، ریڑھی والے ان کی مدد کرتے ہیں۔
فیاض الحسن چوہان نے میڈیا سے گفتگو کرتے ہوئے کہا کہ شریف خاندان نے گریڈ 22 کے افسران گھریلو ملازم رکھے ہوئے تھے۔
انہوں نے کہا کہ وزیراعلیٰ پنجاب عثمان بزدار بڑے اطمینان کے ساتھ ذمہ داری نبھا رہے ہیں، عالمی ذرائع ابلاغ عثمان بزدار کی کارکردگی کو سراہا رہے ہیں، پنجاب کے بجٹ میں 56 ارب روپے کا ٹیکس ریلیف دیا گیا۔
فیاض چوہان کا کہناتھا کہ ماضی میں نام نہاد وزیراعلیٰ بارش کے بعد پانی میں کھڑے ہوکر ڈرامے کیا کرتے تھے، نام نہاد خادم اعلیٰ ٹوپی پہن کر چھتری لے کر بارش کے پانی میں کھڑے ہوتے تھے جبکہ عثمان بزدار واحد وزیراعلیٰ ہیں جو فرنٹ فٹ پر آ کر عوام کی خدمت کررہے ہیں۔
انہوں نے کہا کہ مون سون سے نمٹنے کے لیے ماضی کی حکومتوں نے کچھ نہیں کیا، عثمان بزدار نے بارش کے پانی سے نمٹنے کے لیے ٹھوس منصوبہ بندی کی، وہ اُچھلے کودے بغیر بڑے دھیمے انداز میں عوام کی خدمت کر رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
