ملک انکی لوٹ مار اور نااہلی سے گرے لسٹ میں آیا، مراد سعید

ثمرا مظہر

29th Jul, 2020. 03:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک انکی لوٹ مار اور نااہلی سے گرے لسٹ میں آیا، مراد سعید

وفاقی وزیر مراد سعید نے اپوزیشن پر شدید طنز کے نشتر برساتے ہوئے کہا کہ ملک انکی لوٹ مار اور نااہلی سے گرے لسٹ میں آیا، اپوزیشن ارکان جتنا مرضی شور کرلیں کسی کو بھی این آر او نہیں ملے، کسی کو بھی معاف نہیں کریں گے، انشاءاللہ احتساب ضرور ہوگا۔

قومی اسمبلی اجلاس میں حکومتی اور اپوزیشن اراکین کے درمیان شدید نوعیت کی تلخ کلامی ہوئی، اس موقع پر وفاقی وزیر مراد سعید نے کہا کہ ایسا نہیں ہوگا کہ یہ تین تین تقریریں کریں اور ہم سنیں۔

انہوں نے کہا کہ پاکستان ان کی منی لانڈرنگ اور لوٹ مارکی وجہ سے گرے لسٹ میں آیا، ریمنڈ ڈیوس کو این آر او کس نے دیا؟

وفقہ سوالات کے دوران انہوں نے ایک سوال کا جواب دیتے ہوئے کہا کہ سندھ میں سیہون شریف کی سڑک اور دیگر شاہراہوں پرکام جاری ہے۔

مراد سعید نے بتایا کہ سیہون شریف اور دیگر سڑکوں پر کبھی کام نہ ہوا تھا اس پر ہم کام کریں گے۔

مراد سعید کے خطاب کے دوران اپوزیشن نے شور شرابا کیا، اپوزیشن ارکان کی طرف سے اسپیکر کے ڈائس کا گھیراؤ کیا گیا۔