افغان صوبے غور میں دھماکا، 20 افراد جاں بحق

ثمرا مظہر

18th Oct, 2020. 02:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغان صوبے غور میں دھماکا، 20 افراد جاں بحق

افغانستان کے صوبے غور میں پولیس ہیڈ کوارٹر میں ہولناک دھماکا ہوا ہے جس کے نتیجے میں 20 افراد جاں بحق اور 100 سے زائد زخمی ہو گئے۔

افغان میڈیا کے مطابق دھماکا صوبہ غور کے دارالحکومت فیروز کوہ میں پولیس ہیڈکوارٹر کے قریب ہوا جس میں پولیس ہیڈ کوارٹر کے باہر کھڑی بارودی مواد سے لیس گاڑی کو ریموٹ کنٹرول سے اڑایا گیا۔ دھماکےکی شدت زیادہ ہونے کی وجہ سے قریبی عمارتیں بھی تباہ ہو گئیں۔

ریسکیو ذرائع کا کہناہے کہ زخمیوں اور لاشوں کو قریبی اسپتالوں میں منتقل کیا گیا جبکہ علاقے کے اسپتالوں میں ایمرجنسی نافذ کر دی گئی ہے۔

واقعے کے بعد سیکیورٹی ادارے جائے وقوعہ پر پہنچ گئے اور علاقے کو گھیرے میں لے لیا۔ واقعے کے بعد ملزمان کی تلاش شروع کر دی گئی ہے۔

دھماکے کی ذمہ داری تاحال کسی نے قبول نہیں کی ۔