شاہد خاقان عباسی پر فردِ جرم عائد کرنے کی استدعا مسترد

ثمرا مظہر

20th Oct, 2020. 11:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہد خاقان عباسی پر فردِ جرم عائد کرنے کی استدعا مسترد

اسلام آباد کی احتساب عدالت نے ایل این جی ریفرنس کی سماعت کرتے ہوئےنیب کی سابق وزیرِ اعظم اور ن لیگی رہنما شاہد خاقان عباسی اور دیگر ملزمان پر فوری فردِ جرم عائد کرنے کی استدعا مسترد کر دی۔

احتساب عدالت اسلام آباد کے جج اعظم خان نے ایل این جی ریفرنس کی سماعت کی۔ جس کے دوران سابق وزیرِ اعظم شاہد خاقان عباسی سمیت 12 ملزمان اسلام آباد کی احتساب عدالت میں پیش ہوئے، اس موقع پر 2 غیر ملکی ملزمان فلپ ناٹمن اور شنا صادق عدالت میں حاضر نہ ہوئے۔

نیب نے شاہد خاقان عباسی سمیت دیگر حاضر ملزمان پر فردِ جرم عائد کرنے کی استدعا کر دی۔

احتساب عدالت نے ایل این جی کیس میں فوری فردِ جرم عائد کرنے کی استدعا مسترد کر دی۔

احتساب عدالت اسلام آباد کے جج اعظم خان نے کہا کہ پہلے غیر حاضر ملزمان کے متعلق فیصلہ کریں گے پھر فردِ جرم عائد کی جائے گی۔