وفاقی دارالحکومت اسلام آباد میں اسٹریٹ کرائم کی وارداتوں میں خوفناک حد تک اضافہ ہونے لگا۔
تفصیلات کے مطابق تھانہ رمنا کے ایریا جی 10/4 میں ڈکیتی مزاحمت پر ایک نومسلم جرمن باشندہ جاں بحق ہوگیا۔
ابراہیم نامی جرمن شہری تین دن پہلے جرمنی سے پاکستان آیا تھا۔وہ بینک سے پیسے نکلوا کر آرہا تھا کہ کسی نامعلوم شخص نے اس سے پیسے چھیننے کی کوشش کی اور مزاحمت پر فائرنگ کردی۔
فائرنگ کے نتیجے میں جرمن شہری ابراہیم موقع پر ہی جاں بحق ہوگیا۔ مقتول کی لاش کو پمز اسپتال منتقل کردیا گیا ہے ۔
دوسری جانب آئی جی اسلام آباد محمد عامر ذوالفقار خان نے واقعے کا نوٹس لیتے ہوئے تحقیقات کے لیے ڈی آئی جی آپریشن کی زیرنگرانی ایس پی صدر اور ایس ایس پی سی ٹی ڈی کی سربراہی میں دو پولیس ٹیمیں تشکیل دے دی ہیں۔
Advertisement
پولیس ٹیمیں وقوعہ کی ہرپہلو سے تفتیش کرکے رپورٹ پیش کریں گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
