سردیوں میں ٹھنڈے پانی سے نہانا جوئے شیر لانے کے مترادف ہے لیکن نیدرلینڈز کے سائنسدانوں نے اپنی نئی تحقیق میں اس کا ایک ایسا فائدہ بتا دیا ہے کہ ہر کوئی ٹھنڈے پانی سے نہانے کو ہی ترجیح دے گا۔

تفصیلات کے مطابق سائنسدانوں نے اپنے تحقیقاتی نتائج میں بتایا ہے کہ ”ٹھنڈے پانی سے نہانا آدمی کو سخت جان بناتا ہے اور وہ بیماری کے باوجود کام سے چھٹی نہیں کرتا۔“

مزید پڑھیں

شوگر کے مریضوں کے لیے بھنڈی کتنی فائدہ مند؟

کیا آپ جانتے ہیں کہ شوگر کے مریضوں کے لیے بھنڈی کتنی...

سائنسدانوں کے مطابق ٹھنڈے پانی سے نہانے کا لوگوں پر کافی یا چائے کے کپ کی طرح اثر ہوتا ہے، یعنی اس سے وہ بہت متحرک ہوتے ہیں اور بیمار بھی ہوں تو دفتر جانے کو ترجیح دیتے ہیں۔

دوسری جانب ایمسٹرڈیم کے اکیڈمک میڈیکل سنٹر کے سائنسدانوں نے اس تحقیق میں 3ہزار افراد پر تجربات کیے۔

انہوں نے ان لوگوں کو3 گروپوں میں تقسیم کیا اور ایک گروپ کو انہوں نے معمول کے مطابق گرم پانی سے نہانے کو کہا۔

جبکہ ایک کو پہلے کچھ دیر ٹھنڈے اور پھر گرم پانی سے نہانے کی ہدایت کی جبکہ تیسرے گروپ کو صرف ٹھنڈے پانی سے نہانے کو کہا۔

 تین دن تک وہ اس گروپوں پر نہانے کے فوائد کا تجزیہ کرتے رہے اوربالآخر نتائج میں انہوں نے بتایا کہ ”جو لوگ ٹھنڈے پانی سے نہاتے رہے انہوں نے بیماری کے باوجود دوسرے گروپوں کی نسبت دفتر سے 54فیصد کم چھٹی لی۔“

 لیکن نیدرلینڈز کے ان سائنسدانوں نے اس تحقیق میں بتایا کہ ٹھنڈے پانی سے نہانے والوں کے بیماریوں میں مبتلا ہونے کے امکان میں کوئی کمی واقع نہیں ہوئی اور ان لوگوں کی کام پر حاضری کی شرح بیماری کے باوجود دوسرے گروپوں کے افراد سے 54فیصد زیادہ تھی۔

واضح رہے کہ عام تاثر ہے کہ ٹھنڈے پانی سے نہانا انسان کی قوت مدافعت کو تقویت دیتا ہے اور اسے بیماریوں سے بچاتا ہے۔