وزیرخارجہ کا کہنا ہے کہ تحریک انصاف انشاء اللہ عدم اعتماد کی تحریک کو شکست دیں گے۔ 

تفصیلات کے مطابق ملتان میں وزیرخارجہ شاہ محمود قریشی نے نیوز کانفرنس کر تے ہوئے کہاکہ  پی ڈی ایم چند دنوں میں بکھر جائیں گے، بلاول بھٹو نے کہا ہے کہ ہمیں عدم اعتماد کی تحریک لانی چائیے،  تحریک انصاف انشاء اللہ عدم اعتماد کی تحریک کو شکست دیں گے، عمران خان سلیکڈیٹ نہیں الیکٹیڈ وزیراعظم ہیں ۔

انھوں نے کہاکہ امریکی صدر جو بائیڈن نے اپنی ذمہ داریاں سنبھال لی ہیں ، امریکی صدر نے اپنی ڈائریکشن واضح کردی ہے، افغانستان کے حوالے سے امریکہ کی پالیسی نہیں بدلے گی ۔

شاہ محمود قریشی کا کہنا ہے کہ افغانستان مسئلے کا حل بات چیت میں ہے ، افغانستان مسئلے کا حل عسکری طریقے سے دکھائی نہیں دیتا، افغانستان میں جمہوریت کی مکمل حمایت کریں گے۔

انھوں نے کہاکہ بھارت کی موجودہ پالیسی سے کشمیری نالاں ہیں۔

وفاقی وزیر نے کہاکہ وزیراعظم اور کابینہ نے موجود گندم امپورٹ کرنے کی اجازت دی ہے، چینی کی قیمتوں کو بھی نیچے لایا گیا ہے، چینی کو بھی مزید امپورٹ کرنے کا فیصلہ کیا گیا ہے۔

شاہ محمود  نے کہاکہ قوم جانتی ہے کہ گیس کے معاہدے کن حکومتوں نے کیے، یہ سب مسلم لیگ ن کے معاہدے ہیں آج یہ خود کہتے ہیں کہ ملک میں مہنگائی ہے۔

وزیرجارجہ نے میڈیا سے گفتگو کرتے مزید کہاکہ عظمت سعید ایک عزت دار جج ہیں، چالیس ہزار ڈونرز کی تفصیل دی ہے جنھوں نے ہمیں فنڈز دئیے ہیں، براڈ شیٹ کا معاہدہ کس نے کیا اس میں تحریک انصاف کا کوئی عمل دخل نہیں تھا۔

ان کا کہنا تھا کہ اپوزیش کو نکتہ چینی کی بجائے اپنی صفائی پیش کرنی چائیے۔