پاکستان مسلم لیگ ن کی نائب صدر مریم نواز اور پاکستان پیپلزپارٹی کے چیئرمین بلاول بھٹو نے واضح کیا ہے کہ یوسف رضا گیلانی پی ڈی ایم کے مشترکہ امیدوار ہیں۔

تفصیلات کے مطابق مریم نواز نے میڈیا سے بات چیت کرتے ہوئے کہا ہے کہ گیلانی پی ڈی ایم کے مشترکہ امیدوار ہیں اور بطور جمہوریت پسند انہیں سب پسند بھی کرتے ہیں۔

پاکستان مسلم لیگ ن کی نائب صدر مریم نواز نے کہا ہے کہ سینیٹ میں اوپن بیلنٹنگ کا فیصلہ پارلیمان کو کرنا ہے، حکومت اپنے فائدے کے لئے اس میں عدالت کو گھسیٹنا نہیں چاہیئے۔

مریم نواز کا کہنا تھا کہ یہ عوام کے ساتھ کھڑے ہونے والوں اور عوام کے لئے مشکلات پیدا کرنے والوں کی تقسیم ہیں جس میں گیلانی دائیں طرف کھڑے ہونے والوں کے امیدوار ہیں۔

علاوہ ازیں پاکستان پیپلزپارٹی کے چیئرمین بلاول بھٹو نے کہا ہے کہ ضمنی انتخابات نے ثابت کیا ہے کہ عوام پی ڈی ایم کے ساتھ ہے۔

بلاول بھٹو نے کہا ہے کہ ملک کے ہر کونے سے حکومت ضمنی انتخابات میں ہاری اور عوام نے انہیں مسترد کیا ہے۔

انہوں نے کہا ہے کہ حکومت والے بری طرح ایکسپوز ہوئے ہیں اور ہم حکومت کو آئندہ بھی ہر میدان میں چیلنج کرینگے۔

انہوں نے مزید کہا کہ ہم  لازمی کامیاب ہوں گے اور مل کر جمہوریت اور عوامی حکومت کو بحال کرینگے،  ہم آئندہ کے تمام فیصلے مل جل کر کرینگے۔

ان کا کہنا تھا کہ پی ڈی ایم کا شارٹ ٹرم مقصد اس کٹھ پتلی کو گھر بھیجنا ہے۔