ترجمان سندھ حکومت نے وزیراعظم عمران خان سے گزارش کی ہے کہ وہ نو ٹس لینا چھوڑ دیں۔
تفصیلات کے مطابق ترجمان سندھ حکومت بیرسٹر مرتضیٰ وہاب کا مہنگائی سے متعلق بات کرتے ہوئے کہنا ہے کہ چینی، گھی، آٹا، سبزیاں اور ادویات کی قیمتیں آسمان کو چھو رہی ہیں، وزیراعظم سے گزارش ہے کہ وہ چیزوں کا نوٹس لینا چھوڑ دیں۔
بیرسٹر مرتضیٰ وہاب نے کہا کہ عمران خان کے سہانے خوابوں کی تعبیر پاکستان کی عوام سے یکسر مختلف ہے، عمران خان صرف غریبوں کی بات کرتے ہیں مگر ان کے بارے میں نہیں سوچتے۔
ترجمان سندھ حکومت نے کہا کہ فروری کے مہینے میں مہنگائی کی شرح میں 8.7 فیصد اضافہ ہوا جبکہ فروری میں اشیائے خوردونوش 9.4 فیصد مہنگی ہوئیں۔
ان کا کہنا ہےکہ غریب انسان کے لیے جسم و جاں کا رشتہ برقرار رکھنا مشکل ہوتا جا رہا ہے، آج غریب انسان محسوس کرتا ہے کہ وہ بھی احساس سینٹر جاکر کھانا کھا لے۔
Advertisement
مرتضیٰ وہاب کا مزید کہنا ہے کہ وزیراعظم احساس پروگرام کا اعلان نہ کریں بلکہ غریبوں کا احساس کریں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
