ناموس رسالت ﷺ کے تحفظ پر ہم سب ایک ہیں، وزیراعظم

عروبہ خان

19th Apr, 2021. 12:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ناموس رسالت ﷺ کے تحفظ پر ہم سب ایک ہیں، وزیراعظم

وزیراعظم عمران خان نے کہا ہے کہ ناموس رسالت ﷺ کے تحفظ پر ہم سب ایک ہیں، بد قسمتی سے کچھ جماعتیں سیاسی مفاد کیلئے اسلام کے نام کا غلط استعمال کرتی ہیں۔

وزیراعظم عمران خان کا کہنا تھا کہ یہ جماعتیں اسلام کو استعمال کر کے ملک کو نقصان پہنچاتی ہیں۔

وزیراعظم عمران خان نے کہا ہے کہ مغربی ممالک میں ناموس رسالت ﷺ کے تحفظ کیلئے بامعنی مہم چلانے کی ضرورت ہے لیکن ملک میں توڑ پھوڑ اور مظاہروں سے ناموس رسالت ﷺکے تحفظ کیلئے بہتر پیغام نہیں جاتا ہے۔

وزیراعظم نے کہا ہے کہ اسلاموفوبیا اور ناموس رسالت ﷺ پر عالمی رہنماؤں کو ساتھ ملا کر مختلف فورمز پر آواز اٹھا رہے ہیں اور ہم ہرعالمی سطح پر مہم چلائیں گے۔

وزیراعظم کا کہنا تھا کہ ناموس رسالتﷺکیلئے مہم سے مسئلے کا مستقل حل نکالیں گے۔

وزیراعظم نے مزید کہا ہے کہ پاکستان اسلام کے نام پربنا ہے اور آپ ﷺسے جیساعشق پاکستان میں کیا جاتا ہے دنیا میں کہیں نہیں دیکھا گیا ہے لیکن افسوس ہوتا ہے کہ کئی دفعہ اس پیار کو غلط استعمال کیا جاتا ہے۔

ان تمام خیالات کا اظہار وزیر اعظم عمران خان نے اسلام آباد میں ایک تقریب سے خطاب کے دوران کیا ہے۔