وفاقی وزیر برائے منصوبہ بندی اور این سی او سی کے سربراہ اسد عمر نے کہا ہے کہ آپ کو یقین نہیں آ رہا کے جس معیشت کو آپ تباہ کر گئے تھے اس کو کورونا کے باوجود عمران خان نے کیسے زندہ  کر لیا ہے۔

تفصیلات کے مطابق وفاقی وزیر برائے منصوبہ بندی اور این سی او سی کے سربراہ اسد عمر نے سماجی رابطے کی ویب سایٹ ٹویٹر پر اپنے ایک پیغام میں کہا کہ شہباز شریف کہتے ہیں کہ نیشنل اکاؤنٹ کمیٹی میٹنگ میں سوال پوچھے گئے اور اس سے یہ ثابت ہوا کے اعداد و شمار ٹھیک نہیں ہیں۔

شہباز شریف کہتے ہیں کے نیشنل اکاؤنٹ کمیٹی میٹنگ میں سوال پوچھے گئے ، اس سے ثابت ہوا کے اعدادوشمار ٹھیک نہیں. یہ آپ کا زمانہ نہیں جہاں کمیٹی کو بتا دیا جائے کے کیا اعلان کرنا ہے. پروفیشنل غیر سیاسی کمیٹی میں سوال اٹھائے گئے، ڈیٹا کی جانچ پڑتال کی گئ اور متفقہ فیصلہ کیا گیا

— Asad Umar (@Asad_Umar) May 22, 2021

یہ میاں صاحب کی حکومت نہیں جو لاہور جمخانہ میں بھی امپائر ملا کر کھیلیں، یہ عمران خان کی حکومت ہے جس نے عالمی کرکٹ میں نیوٹرل امپائر کے ساتھ میچ کھیلنا دنیا کو سکھایا. آپ کو یقین یہ نہیں آ رہا کے جس معیشت کو آپ تباہ کر گئے تھے اس کو کرونا کے باوجود عمران خان نے زندہ کیسے کر لیا

— Asad Umar (@Asad_Umar) May 22, 2021

انہوں نے کہا کہ یہ آپ کا زمانہ نہیں جہاں کمیٹی کو بتا دیا جائے کہ کیا اعلان کرنا ہے۔

 اسد عمر نے یہ بھی کہا کہ پروفیشنل غیر سیاسی کمیٹی میں سوال اٹھائے ،ڈیٹا کی جانچ پڑتال کی گئی اور پھر متفقہ فیصلہ کیا گیا۔

وفاقی وزیر برائے منصوبہ بندی اور این سی او سی کے سربراہ اسد عمر نے مزید کہا کہ یہ میاں صاحب کی حکومت نہیں جو لاہور جم خانہ میں بھی امپائر ملا کر کھیلیں، یہ عمران خان کی حکومت ہے جس نے عالمی کرکٹ میں نیوٹرل امپائر کے ساتھ میچ کھیلنا دنیا کو سکھایا ہے۔