نواز شریف اور مریم نواز کی نیب ریفرنس میں سزا کے خلاف اپیلوں پر سماعت آج ہوگی

عروبہ خان

25th May, 2021. 10:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نواز شریف اور مریم نواز کی نیب ریفرنس میں سزا کے خلاف اپیلوں پر سماعت آج ہوگی

سابق وزیراعظم نواز شریف اور مریم نواز کی نیب ریفرنس میں سزا کے خلاف اپیلوں پر سماعت آج ہو گی۔

جسٹس عامر فاروق اور جسٹس محسن اختر کیانی پر مشتمل ڈویژن بینچ اپیلوں کو یکجا کر کے سماعت کرے گا۔

نواز شریف نے ایون فیلڈ اپارٹمنٹ اور العزیزیہ اسٹیل ملز ریفرنس میں سزا کے خلاف اپیل دائر کر رکھی ہے جبکہ نیب نے نواز شریف کی فلیگ شپ ریفرنس میں احتساب عدالت سے بریت کو چیلنج کر رکھا ہے۔

نیب نے العزیزیہ اسٹیل ملز ریفرنس میں نواز شریف کی سزا بڑھانے کی اپیل بھی دائر رکھی ہے جبکہ مریم نواز اور کیپٹن ریٹائرڈ صفدر نے ایون فیلڈ ریفرنس میں سزا کے خلاف اپیل دائر رکھی ہے۔

خیال رہے کہ احتساب عدالت کے جج محمد بشیر نے ایون فیلڈ ریفرنس میں نواز شریف، مریم نواز اور کیپٹن ریٹائرڈ صفدر کو سزا سنائی تھی جبکہ احتساب عدالت کے جج محمد ارشد ملک نے العزیزیہ ریفرنس سمیت فلیگ شپ ریفرنس میں نواز شریف کو سزا سنائی تھی۔