وزیر داخلہ شیخ رشید نے کہا ہے کہ پی ٹی آئی کے امیدوار جاوید بٹ ایک دفعہ پھر کامیاب ہوئے۔

تفصیلات کے مطابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے ایک پیغام میں کہا کہ 70 سالہ الیکشن کی تاریخ میں پہلی مرتبہ ایک ہی حلقے کی 24 گھنٹوں میں ووٹوں کی دوبارہ گنتی ہوئی ہے۔

آزاد جموں و کشمیر الیکشن کمیشن کا تاریخی کارنامہ

70سالہ الیکشن کی تاریخ میں پہلی مرتبہ ایک ہی حلقے کی چوبیس گھنٹوں میں ووٹوں کی دوبارہ گنتی

Advertisement

حلقہ ایل اے 43 ویلی 4 سے راولپنڈی کے حلقے کی پرزیڈانگ آفیسر کی طرف سے ہارے ہوئے۔1/3

— Sheikh Rashid Ahmed (@ShkhRasheed) July 26, 2021

شیخ رشید نے کہا کہ حلقہ ایل اے 43 ویلی 4 سے راولپنڈی کے حلقے کی پرزیڈانگ آفیسر کی طرف سے ہارے ہوئے امیدوار کی درخواست پر دوبارہ گنتی ہو گی۔

وزیر داخلہ کا کہنا تھا کہ امیدواروں کو 27 جولائی کا نوٹس جاری کیا گیا تھا لیکن واٹس ایپ کے ذریعے اطلاع دے کر آج ہی ووٹوں کی گنتی کر لی گئی ہے۔

شیخ رشید نے بتایا کہ حلقہ ایل 43 ویلی 4 کی طرف سے دوبارہ گنتی میں پی ٹی آئی کے امیدوار جاوید بٹ ایک دفعہ پھر کامیاب ہوئے ہیں۔

وزیر داخلہ شیخ رشید نے مزید بتایا کہ کسی پولنگ اسٹیشن پر گزشتہ پولنگ نتیجے کے مطابق ایک ووٹ کا بھی فرق نہیں نکلا اور تمام امیدواروں نے دوبارہ پولنگ درستگی پر اپنے دستخط کر دیئے ہیں۔