پاکستان ایک اور نہتے کشمیری کی شہادت کی شدید مذمت کرتا ہے، زاہد حفیظ چوہدری

اسفا سروت

28th Jul, 2021. 03:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ایک اور نہتے کشمیری کی شہادت کی شدید مذمت کرتا ہے، زاہد حفیظ چوہدری

ترجمان دفتر خارجہ زاہد حفیظ چوہدری نے کہا کہ پاکستان بھارتی قابض افواج کے ہاتھوں ایک اور نہتے کشمیری کی شہادت کی شدید مذمت کرتا ہے۔

تفصیلات کے مطابق ترجمان دفتر خارجہ زاہد حفیظ چوہدری نے کہا کہ کشمیری نوجوان کو جعلی گھیراؤ و تلاش آپریشن میں ماورائے عدالت شہید کیا گیا، نہتے کشمیری نوجوان کو مقبوضہ جموں و کشمیر کے ضلع کلگام کے علاقے مناند میں شہید کیا گیا۔

انہوں نے کہا کہ مقبوضہ کشمیر میں جعلی پولیس مقابلوں میں ماورائے عدالت قتل کے واقعات میں اضافے پر شدید تحفظات ہیں، نوجوانوں اور کم عمر لڑکوں کا ماورائے عدالت قتل عام، ان کی لعشوں کو لوٹانے سے انکار بھارتی قابض افواج کی اخلاقی پستی کی عکاس ہیں۔

زاہد حفیظ چوہدری نے کہا کہ مقبوضہ کشمیر میں کالے عسکری قوانین، ماورائے عدالت قتل عام، زیر حراست تشدد اور جبری گمشدگیاں کشمیریوں کو دبانے کے لیے استعمال کی جا رہی ہیں۔

ترجمان دفتر خارجہ زاہد حفیظ چوہدری نے مزید کہا کہ بھارت کو سمجھ لینا چاہیے کہ جبر کے تمام ہتھکنڈے اور ریاستی دہشت گردی کی پالیس کے باوجود وہ کشمیریوں کو جھکانے میں ناکام رہا ہے۔