سارہ اسلم کا کہنا ہے کہ شہری کورونا کے خلاف حفاظتی تدابیر اختیار کرکے خود کو محفوظ بنائیں۔

تفصیلات کے مطابق پرائمری اینڈ سکینڈری ہیلتھ کیئر کی سیکرٹری سارہ اسلم نے کہا ہے کہ پنجاب میں کورونا وائرس کے کیسز میں اضافہ جاری ہے، کورونا کیسز میں اضافہ کے  پیشِ نظر مختلف سیکٹرز کے  اسپیشل ایس او پیز جاری کر دیے گئے ہیں، تمام شہری کورونا کی  مکمل احتیاط ملحوظ خاطر رکھیں،م صرف اور صرف  ویکسینیشن ہی کورونا وائرس  کے  خلاف  واحد اور موثر علاج ہے۔

انھوں نے کہا ہے کہ18 سال سے زیادہ عمر  کے تمام افراد کا فوری طور پر ویکسین لگوانا ناگزیر ہے، گزشتہ 24 گھنٹوں کے دوران صوبہ بھر سے 1,087 نئے کیسز رپورٹ ہوئے ہیں جس سے صوبہ بھر میں کورونا کے کیسز کی ٹوٹل تعداد 363,644 ہو گئی ہے، اب تک صوبہ بھر میں 335,079 مریض مکمل طور پر صحت یاب ہو چکے ہیں۔

ان کا کہنا ہے کہ صوبہ بھر میں ایکٹیو کیسز کی تعداد 17,373 ہو گئی ہے، گزشتہ روز لاہور میں 7 ہلاکت سمیت صوبہ بھر میں ٹوٹل 22 اموات رپورٹ ہوئی ہیں اور صوبہ بھر میں اموات کی کل تعداد 11,192 ہو گئی ہے،24 گھنٹوں کے دوران 20,609 ٹیسٹ کئے گئے تھے۔

سارہ اسلم نے بتایا ہے کہ صوبہ بھر میں اب تک مجموعی طور پر 6,317,276 ٹیسٹ کیے جا چکے ہیں،24 گھنٹوں میں لاہور  میں 471 اور راولپنڈی  میں 236 کیسز رپورٹ ہوئے ہیں اس کے علاوہ ملتان میں 40, گجرات میں 38 اور بہاولپور میں  37 ، فیصل آباد میں 34، سیالکوٹ میں 26اور شیخوپورہ میں 21 ، گجرانوالہ میں 20, سرگودھا میں 19 اور رحیم یار خان میں 18 کیسز رپورٹ ہوئے ہیں۔

انھوں نے بتایا ہے کہ گزشتہ روز صوبہ بھر کے تمام شہروں میں کرونا کی مجموعی مثبت شرح 5.3 ریکارڈ کی گئی ہے۔

سارہ اسلم نے مزید کہا ہے کہ شہری کورونا کے خلاف خصوصی حفاظتی تدابیر اختیار کرکے خود کو محفوظ بنائیں، بلاضرورت گھر سے باہر نکلنے اور پر ہجوم اجتماعات  سے مکمل اجتناب کریں، سماجی فاصلہ برقرار رکھیں اور ماسک کا استعمال لازمی کریں۔