صحت اور تعلیم کے مراکز اپ گریڈ کیے جا رہے ہیں، عثمان بزدار

اسفا سروت

12th Aug, 2021. 03:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صحت اور تعلیم کے مراکز اپ گریڈ کیے جا رہے ہیں، عثمان بزدار

وزیر اعلیٰ پنجاب سردار عثمان بزدار نے کہا کہ صحت اور تعلیم کے مراکز اپ گریڈ کیے جا رہے ہیں۔

تفصیلات کے مطابق وزیر اعلیٰ پنجاب سردار عثمان بزدار نے ڈیرہ غازی خان کے علاقے بارتھی میں قبائلی عمائدین سے ملاقات کی اور ان سے گفتگو کرتے ہوئے کہا کہ مجھے محروم علاقے مسائل کا ادراک ہے، میں پسماندہ ترین علاقوں کی عوام کا وکیل ہوں۔

وزیر اعلیٰ پنجاب سردار عثمان بزدار نے قبائلی عمائدین کے مسائل سنے اور حل کے لئے موقع پر احکامات دیئے اور سائلین سے خود درخواستیں وصول کیں۔

انہوں نے کہا کہ کوہ سلیمان میں ترقی کا سفر شروع ہو چکا ہے جو مزید تیزی سے جاری رہے گا، چوکی والا سے بلوچستان کو سڑک کے ذریعے ملایا جائے گا، سڑک کی تعمیر سے 120 کلومیٹر فاصلہ کم ہوگا۔

عثمان بزدار نے کہا کہ فورٹ منرو میں کیڈٹ کالج کا منصوبہ جلد مکمل ہوگا، کوہ سلیمان میں سیمنٹ فیکٹری اور انڈسٹریل اسٹیٹ سے مقامی افراد کو روزگار ملے گا۔

وزیر اعلیٰ پنجاب سردار عثمان بزدار نے مزید کہا کہ بارتھی میں سولر گرڈ اسٹیشن تعمیر ہوگا، فاضلہ کچھ اور کوہ سلیمان کے دیگر علاقوں میں بجلی پہنچائیں گے، ترقیاتی منصوبوں کی کڑی مانیٹرنگ ہوگی، قبائلی علاقے میں سوڑا ڈیم کی تعمیر سے زرعی انقلاب آئے گا۔