جمعیت علمائے اسلام (ف) کے سربراہ مولانا فضل الرحمان نے کہا ہے کہ افغانستان کی صورتحال کے پاکستان پر اثرات ہوں گے۔

تفصیلات کے مطابق جمعیت علمائے اسلام (ف) کے سربراہ مولانا فضل الرحمان مولانا فضل الرحمان نے اپنے ایک  ویڈیو بیان میں کہا کہ طالبان کو افغانستان میں کامیابی پر مبارکباد پیش کرتے ہیں۔

جمعیت علمائے اسلام (ف) کے سربراہ نے کہا کہ مستحکم اور مضبوط افغانستان پاکستان کے مفاد میں ہے، افغانستان کی صورتحال  کے پاکستان پر اثرات ہوں گے۔

 مولانا فضل الرحمان نے یہ بھی کہا کہ طالبان اس وقت تدبر اور فراخ دلی سے کام لے رہے ہیں لیکن امریکہ نے تحقیقات کیے بغیر افغانستان میں طاقت کا استعمال کیا، افغانستان میں طاقت کے زور پر جنگ مسلط کی گئی۔

جمعیت علمائے اسلام (ف) کے سربراہ کا کہنا تھا کہ طالبان سے افغانستان کے مستقبل کے حوالے سے رابطے کیے جانے چاہیے، افغانستان کے مستحکم اور مستقل سیاسی نظام کیلئے طالبان کے ساتھ مذاکرات ہونے چاہیے۔

 مولانا فضل الرحمان کا یہ بھی کہنا تھا کہ نائن الیون کے بعد امریکہ نے افغانستان پر قبضہ کیا، القاعدہ کو نائن الیون کا ذمہ دار قرار دیا گیا جبکہ مجھے چھ ماہ غیر قانونی طور پر نظر بند رکھا گیا ۔

جمعیت علمائے اسلام (ف) کے سربراہ مولانا فضل الرحمان کا مزید کہنا تھاکہ امریکہ کا نیو ورلڈ آرڈر کانظریہ خاکستر ہوچکا ہے، امریکہ کو دنیا کے ساتھ برابری کی بنیاد پر تعلقات رکھنے ہوں گے ۔