سابقہ گلوکارہ رابی پیرزادہ نے کہا ہے کہ امریکا میں ہر 30 سیکنڈ میں ایک ریپ ہوتا ہے مگر اس وقت پوری دنیا میں پاکستان کے مردوں کے خلاف نفرت پھیل رہی ہے۔

انہوں نے مینارِ پاکستان واقعے پر اپنے خیالات کا اظہار کرتے ہوئے سماجی رابطے کی ویب سائٹ ٹوئٹر پر خصوصی پیغامات جاری کیے ہیں۔

سابقہ گلوکارہ نے اپنے ٹوئٹ میں لکھا کہ امریکا میں ہر 30 سیکنڈ میں ایک جسنی زیادتی کا کیس سامنے آتا ہے، مگر اس وقت پوری دُنیا میں پاکستان کے مردوں کے خلاف نفرت پھیل رہی ہے۔

امریکہ میں ہر 30 سیکنڈ میں ایک ریپ ہوتا ہے۔ مگر اس وقت پوری دنیا میں پاکستان کے مردوں کے خلاف نفرت پھیل رہی ہے، ہر پلیٹ فارم پر یہ ثابت کیا جارہا ہے کہ ان 400 آدمیوں میں ایک بھی کسی کا بھائ یا بیٹا نہیں تھا، سب جانور تھے۔ میں نہیں مانتی، پاکستان میں کچھ غلط ذہنیت کے لوگ ضرور ہیں۔ pic.twitter.com/nbNUy6i5A8

Advertisement

— Rabi Pirzada (@Rabipirzada) August 20, 2021

اُنہوں نے لکھا کہ ہر پلیٹ فارم پر یہ ثابت کیا جارہا ہے کہ ان 400 آدمیوں میں ایک بھی کسی کا بھائی یا بیٹا نہیں تھا بلکہ سب جانور تھے۔

رابی پیرزادہ نے کہا کہ میں نہیں مانتی کہ وہاں موجود ہر آدمی بُرا تھا، پاکستان میں کچھ غلط ذہنیت کے لوگ ضرور ہیں مگر سب غلط نہیں۔

سابقہ گلوکارہ نے یہ بھی کہا کہ مجھے میری قوم کے بھائیوں، بیٹوں سے پیار ہے، میں ان کی عزت کرتی ہوں۔

اُنہوں نے مزید کہا کہ یا اللّہ، ہماری بہنوں بیٹیوں کو محفوظ اور صحیح راستے پر چلا، جو مرد غلط ہیں انہیں احساس ہو کہ ایسے کاموں سے صرف لڑکی کی ہی نہیں بلکہ لڑکوں کی عزت بھی خراب ہوتی ہے۔

واضح رہے کہ لاہور کے گریٹر اقبال پارک میں یومِ آزادی کے موقع پر خاتون ٹک ٹاکر سے دست درازی کا خوفناک واقعہ 3 روز بعد سوشل میڈیا کے ذریعے سامنے آیا۔