عمران خان پورے پاکستان کو بھوکا کر کے کہتے ہیں کوئی بھوکا نہیں سوئے گا، مریم اورنگزیب

اریبہ تنویر

20th Aug, 2021. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

عمران خان پورے پاکستان کو بھوکا کر کے کہتے ہیں کوئی بھوکا نہیں سوئے گا، مریم اورنگزیب
سینیٹر عرفان صدیقی کی طبیعت ناساز؛ کیا آئینی ترمیم کیلئے ووٹ کاسٹ کرسکیں گے؟
مشترکہ پارلیمانی کمیٹی نے 27 ویں آئینی ترمیم متفقہ طور پر منظور کر لی، آج سینیٹ میں پیش ہو گی
کراچی میں ٹریفک کا نیا بحران، یونیورسٹی روڈ 51 دن کیلیے بند، شہری رُل گئے

Now Reading:

عمران خان پورے پاکستان کو بھوکا کر کے کہتے ہیں کوئی بھوکا نہیں سوئے گا، مریم اورنگزیب

پاکستان مسلم لیگ (ن) کی ترجمان مریم اورنگزیب نے کہا ہے کہ عمران خان پورے پاکستان کو بھوکا کر کے کہتے ہیں کہ کوئی بھوکا نہیں سوئے گا۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے عمران خان کی لنگر مہم کا جواب دیتے ہوئے پریس کانفرنس میں کہا ہے کہ پورے پاکستان کو بھوکا کر کے عمران خان کہتے ہیں کہ کوئی بھوکا نہیں سوئے گا؟ عمران خان کی وجہ سے ہر رات پانچ کروڑ بچے اور آٹھ کروڑ لوگ بھوکے سوتے ہیں۔

مریم اورنگزیب کا کہنا تھا کہ عمران صاحب آپ نے لنگر والے ٹرک کا نہیں ایک کروڑ نوکری اور پچاس لاکھ گھر کا وعدہ کیا تھا۔

ان کا کہنا تھا کہ عمران صاحب عوام کو مہنگائی کی چکی میں پیس کر کہتے ہیں کہ کوئی بھوکا نہیں سوئے گا۔

مریم اورنگزیب نے کہا کہ عمران خان نے مہنگائی 3 فیصد سے 17 فیصد پر پہنچا دی اور کہتے ہیں کہ کوئی بھوکا نہیں سوئے گا۔

ان کا کہنا تھا کہ عمران خان آٹا چینی اور کھانے پینے کی اشیاء مہنگی کر کے عوام کے سامنے اب لنگر ٹرک کا نیا ڈرامہ کر رہے ہیں۔

پاکستان مسلم لیگ (ن) کی ترجمان نے کہا کہ بائیس کروڑ عوام کا حق دینے کے بجائے پندرہ سو کو روٹی کھلا کر اپنی تشہیر کا اس سے بھونڈا اور کوئی ہتھکنڈہ نہیں سوجا کیا؟

پاکستان مسلم لیگ (ن) کی ترجمان مریم اورنگزیب کا کہنا تھا کہ دو کروڑ عوام غربت کی لکیر سے نیچے چلی گئی اور عمران خان نے صرف ایک لنگر کا ٹرک بھجوایا؟