وزیر اعلیٰ محمود خان کی زیر صدارت صوبائی ٹاسک فورس کا اجلاس

اسفا سروت

27th Aug, 2021. 03:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ محمود خان کی زیر صدارت صوبائی ٹاسک فورس کا اجلاس

وزیر اعلیٰ خیبرپختونخوا محمود خان کی زیر صدارت صوبائی ٹاسک فورس برائے انسداد کورونا کا اجلاس ہوا۔

تفصیلات کے مطابق صوبائی ٹاسک فورس کے اجلاس میں کور کمانڈر پشاور، چیف سیکرٹری، آئی جی پی ، متعلقہ اراکین صوبائی کابینہ اور انتظامی سیکرٹریوں نے شرکت کی۔

ذرائع کے مطابق ٹاسک فورس نے بعض اضلاع میں کورونا کیسز کی بڑھتی ہوئی شرح اور احتیاطی تدابیر پر عدم عملدرآمد کی صورتحال پر تشویش کا اظہار کیا۔

اجلاس میں پہلے سے نافذ حفاظتی اقدامات اور پابندیوں پر سختی سے عملدرآمد یقینی بنانے کا فیصلہ کیا اور ضرورت پڑنے پر اسمارٹ لاک ڈؤنز کو سخت کرنے سمیت مزید پابندیاں عائد کرنے کا فیصلہ کیا ہے۔

اس کے علاوہ اجلاس میں 15 ستمبر تک کورونا ویکسینیشن نہ لگوانے والوں کے موبائل فون سمز اور بند کرنے پر سنجیدگی سے غور کیا گیا ہے اور صوبے بھر میں یکساں طور پر ہفتے میں دو دن کاروبار بند رکھنے کا فیصلہ کیا گیا ہے۔

واضح رہے کہ ہزارہ ڈویژن کے بعض اضلاع میں کورونا کی بڑھتی ہوئی شرح پر قابو پانے کے لئے پاک فوج کے 10 کور کی مدد حاصل کرنے کا فیصلہ کیا ہے۔