پاکستان کرکٹ بورڈ کے چیف ایگزیکٹو وسیم خان نے کہا ہے کہ آئندہ ماہ کا شیڈول  آئی سی سی ٹی ٹونٹی ورلڈ کپ پر مرکوز ہے۔

تفصیلات کے مطابق  پاکستان کرکٹ بورڈ کے چیف ایگزیکٹو وسیم خان نے اپنے جاری کردہ ایک بیان مین کہا ہے کہ ہمیں معلوم ہوا ہے کہ قومی کرکٹ ٹیم کے ماحول سے متعلق حقائق کے منافی رپورٹس گردش کر رہی ہیں۔

ان کا کہنا ہے کہ آئندہ بین الاقوامی اسائنمنٹس کے لیے  قومی اسکواڈ کا اعلان کیا جاچکا ہے اور اس سلسلے میں جو سمت اختیار کی گئی ہے اس سمت سے ہمارے کپتان بابر اعظم مکمل طور پر اس کے پیچھے کھڑے ہیں۔

انھوں نے اپنے بیان میں یہ بھی کہا ہے کہ منگل کی سہ پہر کو  کچھ  پاکستانی کھلاڑیوں نے پاکستان کے سابق کپتان اور پی سی بی بورڈ آف گورنرز کے موجودہ رکن رمیز راجہ کے ساتھ ملاقات کی  تھی۔

پاکستان کرکٹ بورڈ کے چیف ایگزیکٹو وسیم خان نے بتایا ہے کہ پاکستانی کھلاڑیوں کی پاکستان کے سابق کپتان اور پی سی بی بورڈ آف گورنرز کے موجودہ رکن رمیز راجہ کے ساتھ ملاقات بہت صحت مندانہ اور مثبت رہی ہے۔

انھوں نے بیان میں یہ بھی بتایا ہے پاکستانی کھلاڑیوں کی پاکستان کے سابق کپتان اور پی سی بی بورڈ آف گورنرز کے موجودہ رکن رمیز راجہ کے ساتھ ملاقات میں اتفاق کیا گیا ہے کہ ہمیں آئندہ سیریز میں کس برانڈ کی کرکٹ کھیلنے کی ضرورت ہے۔

پاکستان کرکٹ بورڈ کے چیف ایگزیکٹو وسیم خان نے اپنے جاری کردہ بیان میں مزید کہا ہے کہ لازمی ہے کہ ہم سب مل کر قومی اسکواڈ کو مستحکم کریں اور اس کی مکمل پشت پناہی کریں تاکہ اس کی تمام تر توجہ آئندہ ماہ شیڈول آئی سی سی ٹی ٹونٹی ورلڈ کپ پر مرکوز ہوسکے۔