پاکستان مسلم لیگ ن کے سینئر رہنما رانا ثناءاللہ نے کہا ہے کہ وزیر اعظم عمران خان اور ان کے مقدر میں شہباز شریف سے حسد کرنا لکھا ہے۔

تفصیلات کے مطابق رہنما مسلم لیگ ن رانا ثناااللہ نے  فواد چوہدری کے بیان پہ ردِ عمل  دیتے ہوئے کہا کہ اگر فیک نیوز پر پاپندی لگانی ہے تو سب سے پہلے شروعات پاکستان تحریک ِ انصاف اور فواد چودھری سے ہونی چاہئیے۔

ان کا کہنا تھا کہ  اگر پاکستان میں عمران نیازی اور فواد چودھری  پر پاپندی لگ جائے تو ویسے ہی فیک نیوز کا خاتمہ ہو جائے گا۔

رانا ثناءاللہ کا کہنا تھا کہ  شہبازشریف نے جو کہنا تھا اور کرنا تھا کردیا، اب آپ شہبازشریف کے نام کی گردان کرتے رہیں۔

ان کا کہنا تھا کہ  پاکستان میڈیا ڈویلپمنٹ اتھارٹی کا قانون چھپانے والے میڈیا کی آزادی بھی چوری کرنا چاہتے ہیں ،صحافیوں کے لئے پریس گیلری کو تالا لگانے سے لاعلمی ظاہر کرنے والا وزیر اطلاعات میڈیا کی ترقی کا قانون بنارہا ہے۔

رانا ثناءاللہ کا کہنا تھا کہ شہبازشریف سے عمران نیازی اینڈ کرائے کے ترجمان خوفزدہ اور گھبرائے ہوئے کیوں ہیں، سب جانتے ہیں رات کے اندھیرے میں دیگر جماعتوں سے رابطے کرنے والے دن کے اجالے میں عمران نیازی کے ترجمان بن جاتے ہیں۔

ان کا کہنا تھا کہ  سیاہ تاریخ راتوں میں سیاہ قانون بنانے والے دن میں وضاحتیں، دھمکیاں اور پریس گیلریوں کو تالے لگاتے ہیں ۔

پاکستان مسلم لیگ ن کے سینئر رہنما رانا ثناءاللہ کا مزید کہنا تھا کہ فواد چوہدری میڈیا اور صحافتی مسائل سے جیسے لا علم ہیں ویسے ہی اپنی اگلی نوکری کے بارے میں بھی لا علم ہیں۔