انٹر نیشنل کرکٹ کونسل (آئی سی سی) مینز ٹی ٹوئنٹی ورلڈکپ کا رنگا رنگ میلا رواں سال سجنے جارہا ہے۔
تفصیلات کے مطابق قومی اسکواڈ 15 اکتوبر کو لاہور سے بذریعہ چارٹرڈ فلائیٹ متحدہ عرب امارات روانہ ہوگا جبکہ قومی اسکواڈ کے اسٹاف میں شامل تمام ارکان 8 اکتوبر کو لاہور میں جمع ہوں گے اوراسکے بعد یہ تمام افراد لاہور کے مقامی ہوٹل میں 7 روز کا قرنطینہ کریں گے۔
ذرائع کا کہنا ہے کہ باؤلنگ کنسلٹنٹ ورنن فلینڈر 7 اکتوبر کو پاکستان پہنچیں گے جبکہ بیٹنگ کنسلٹنٹ میتھیو ہیڈن یو اے ای میں قومی اسکواڈ کو جوائن کریں گے۔
واضح رہے کہ قومی اسکواڈ میں شامل تمام ارکان کو اپنی فیملیز کے ہمراہ یو اے ای لے جانے کی اجازت ہوگی۔
خیال رہے کہ نیشنل ٹی ٹوئنٹی ٹورنامنٹ کا فائنل 13 اکتوبر کو کھیلا جائے گا۔
