کافی عرصے بعد ملک میں مذہبی سوچ والا وزیر اعظم آیا ہے، ارباب غلام رحیم

تنزیلہ قریشی

11th Oct, 2021. 09:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کافی عرصے بعد ملک میں مذہبی سوچ والا وزیر اعظم آیا ہے، ارباب غلام رحیم
پاکستان کا دوٹوک مؤقف اور ذبیح اللہ مجاہد کا گمراہ کن بیان، استنبول مذاکرات کی اصل حقیقت
آرمی چیف کو 'چیف آف ڈیفنس فورسز' کا عہدہ دینے کی تجویز؛ 27ویں آئینی ترمیم کا مسودہ سامنے آگیا
ای چالان سسٹم کا نفاذ؛ ٹریفک اہلکاروں کے ضلعی پولیس میں تبادلوں پر پابندی عائد

Now Reading:

کافی عرصے بعد ملک میں مذہبی سوچ والا وزیر اعظم آیا ہے، ارباب غلام رحیم

وزیر اعظم کے معاون خصوصی ارباب غلام رحیم نے کہا ہے کہ کافی عرصے بعد ملک میں مذہبی سوچ والا وزیر اعظم آیا ہے۔

تفصیلات کے مطابق حیدرآباد میں وزیر اعظم کے معاون خصوصی ارباب غلام رحیم نے میڈیا سے گفتگو کرتے ہوئے کہا کہ ماضی میں تو ایسے وزیر اعظم آئے جو اسلام کا نام بھی نہیں لیتے تھے، کافی عرصے بعد ملک میں مذہبی سوچ والا وزیر اعظم آیا ہے، ایک طرف میرا جسم میری مرضی والے ہیں، دوسری طرف ہمارے وزیر اعظم دین کی بات کرتے ہیں۔

ارباب غلام رحیم کا کہنا تھا کہ افغان اشو پر وزیراعظم نے اچھا کردار ادا کیا ہے، پہلے لوگ وزیر اعظم کو مغربی سمجھتے تھے، لیکن اب عمران خان مذہبی سوچ رکھتے ہیں، عمران خان کی نیت خراب نہیں ہے، وزیراعظم کی ٹیم والے کچھ ہوسکتے ہیں مگر خود اچھا کام کر رہے ہیں۔

انہوں نے کہا کہ پینڈورا پیپرز میں وزرا کے نام ہیں تو وزیر اعظم عمران خان اس معاملے کو ضرور دیکھیں گے، جہانگیر ترین وزیر اعظم کے قریب تھے مگر ان کو بھی کوئی رعایت نہیں دی گئی۔

وزیر اعظم کے معاون خصوصی ارباب غلام رحیم کا مزید کہنا تھا کہ اپوزیشن نے قبل از وقت انتخابات کی بات کی ہے مگر ان کی اپنی کارکردگی کیا ہے، اس وقت جو اپوزیشن میں ہیں انہوں نے خود کبھی قبل از وقت الیکشن کروائے تھے کیا۔