جادوگروں کو اپنے فن میں ایسی مہارت حاصل ہوتی ہے جس کی مدد سے وہ باآسانی کسی بھی عام شخص کو دھوکہ دے سکتے ہیں۔

ان جادوگروں کو یہ چالیں سیکھنے میں کئی سالوں کا تجربہ حاصل ہوتا ہے تب جاکر یہ دنیا کے سامنے اپنے فن کا باآسانی مظاہرہ کرنے میں کامیاب ہوتے ہیں۔

جادوگروں کی یہ چالیں دراصل ہاتھ کی صفائی ہوتی ہیں جس کو کرنے کے لئے چند طریقے مخصوص ہوتے ہیں۔

اس حوالے سے آج ہم اپنے صارفین کو جادوگروں کی عام چالوں کے حوالے سے کچھ معلومات فراہم کرینگے۔

1۔ بجلی کے بغیر بلب جلانا:

اکثر آپ نے دیکھا ہوگا کہ کچھ لوگ جادو کی زور سے بجلی کے بغیر بھی بلب جلا لیتے ہیں لیکن یہ کوئی جادو نہیں ہوتا ہے بلکہ یہ اس کا ایک طریقہ کار ہوتا ہے۔

اس کے لئے جادوگر خفیہ طور پر اپنے ہاتھ پر بلب کا بٹن لگاتا ہے اور ضرورت پڑنے پر اسے آن کردیتا ہے اور اسطرح جادو کی مدد سے بلب روشن ہوتا ہے۔

2۔ خالی ڈبے سے کبوتر نکالنا:

اکثر آپ نے دیکھا ہوگا کہ جادوگر خالی ڈبے سے کبوتر نکالتا ہے لیکن اصل میں یہ کوئی جادو نہیں ہے بلکہ انسانی دماغ کے ساتھ کھیلا جانے والا کھیل ہوتا ہے۔

اس کے لئے جادوگر جو خالی ڈبہ دکھاتا ہے اس میں خفیہ طور پر ایک اور خانہ ہوتا ہے جہاں پر پہلے سے کبوتر موجود ہوتا ہے۔

3۔ جڑی ہوئی رنگز:

جادوگر اکثر جڑی ہوئی رنگز کے ساتھ کھیلتے ہوئے نظر آتے ہیں جو کہ باآسانی الگ بھی ہوجاتی ہیں۔

دراصل وہ رنگز جادو کے روز سے جڑتی اور الگ نہیں ہوتی بلکہ ان کے سرے پر ایک چھوٹی سے جگہ موجود ہوتی ہے جس کی وجہ سے یہ الگ ہوجاتی ہیں۔

4۔ ہوا میں بیٹھنے والا شخص:

آپ سوچ رہے ہونگے کے لوگ جادو کی مدد سے ہوا میں بیٹھ جاتے ہیں یا ٹہر جاتے ہیں جو کہ انسانی عقل کے لئے ایک جادو ہوتا ہے۔

دراصل اس شخص کے پاس ایک ایسی اسٹیک موجود ہوتی ہے جو کہ ایک اسٹینڈ کا کام کرتی ہے اور اس پر زمین سے کچھ اوپر ایک سیٹ نما جگہ ہوتی ہے جہاں وہ بیٹھ جاتا ہے۔