گزشتہ ہفتے ہونے والا 2021 کا واحد سورج گرہن دنیا میں گنتی کی جگہوں پر ہی کیوں دیکھا جاسکا اس کا جواب زمین سے 10 لاکھ میل دور ایک اسپیس کرافٹ کی جانب سے بھیجے جانی والی تصویر میں مل گیا۔

NOAA کے Deep Space Climate Observatory (DISCOVR) کی جانب سے لی جانے والی تصویر میں 4 دسمبر کو ہونے والے سورج گرہن کے دوران انٹارکٹیکا اور قطب جنوبی میں چاند کا سایہ دیکھا جاسکتا ہے۔

زمین سے ساڑھے نو لاکھ میل کے فاصلے سے لی گئی تصویر میں دنیا کے بالکل نیچے کے حصے میں چاند کا سایہ دیکھا جاسکتا ہے۔

پلینیٹیری سوسائیٹی نے ٹوئٹر پر شائع اس تصویر پر کہا کہ ہم میں سے بہت سوں کے لیے اس مکمل سورج گرہن کو دیکھنے کے لیے بہت دور انٹارکٹیکا جانا ہوتا، لیکن ہمیں یہ منظر لینے کے لیے مزید دور جانا تھا۔

یہ تصویر ناسا کے DSCOVR کیمرے نے بنائی ہے۔

ناسا حکام نے تفصیل میں لکھا کہ کون کی طرح شکل خلاء تک جا رہی ہے، اس کا ایک گول کراس سیکشن ہے جو گرہن کے دوران با آسانی دیکھا گیا ہے۔

DISCOVR نے دنیا کا فُل-ڈسک ویو بھی لیا ہے جس کو ابھی تک خلاء باز بھی نہیں دیکھ سکے ہیں۔

انٹرنیشنل اسپیس اسٹیشن پر موجود ایکسپیڈیشن 66 کے عملے نے 250 میل کی اونچائی پر ایک چوکور سایہ دیکھا۔