لاہور کے علامہ اقبال ایئرپورٹ سے جانے والی مختلف پروازیں دھند کے باعث تاخیر شکار ہوگئی ہیں جس کے وجہ سے فلائٹ شیڈول متاثر ہوگیا ہے۔

تفصیلات کے مطابق علامہ اقبال ایئرپورٹ پر دوحہ سے لاہور آنے والی پرواز کیو آر 620 تاخیر کا شکار ہوگئی ہے۔

ایئرپورٹ ذرائع کے مطابق استنبول سے لاہور آنے والی پرواز ٹی کے 714 تاخیر کا شکار ہے جبکہ شارجہ سے لاہور آنے والی پرواز پی اے 413 بھی تاخیر کا شکار ہے۔

اس کے علاوہ راس الخیمیہ سے لاہور آنے والی پرواز جی نائن 852 تاخیر کا شکار ہوگئی ہے جبکہ کراچی سے لاہور آنے والی پرواز پی اے402 بھی تاخیر کا شکار ہے۔

ایئرپورٹ ذرائع کا کہنا ہے کہ کولمبو سے لاہور آنے والی پرواز یو ایل 185 منسوخ ہوگئی ہے جبکہ کراچی سے لاہور آنے والی پرواز پی کے 304 بھی منسوخ ہے۔

خیال رہے کہ لاہور سے دوحہ جانے والی پرواز کیو آر 621 اور استنبول جانے والی پرواز ٹی کے 715 بھی تاخیر کا شکار ہے۔

واضح رہے کہ صوبائی دارالحکومت لاہور میں جزوی دھند اور سردی کا راج برقرار ہے جس کے باعث ٹریفک سست روی کا شکار ہے، موٹروے کو مختلف مقامات پر ٹریفک کے لئے بند کیا گیا ہے۔

شدید دھند کے باعث موٹروے ایم 2، ایم 4، ایم 5 بند کردیے گئے ہیں۔

 ملتان سے روہری تک اور عبدالحکیم سے پنڈی بھٹیاں تک شدید دُھند کے باعث موٹروے بند کردیا گیا ہے۔

اسکے علاوہ اسلام آباد  سے شیخو پورہ تک بھی شدید دُھند کے باعث موٹروے بند ہے۔

نیشنل ہائی ویز اینڈ موٹروے پولیس کا کہنا ہے کہ عوام سے گزارش ہے کہ دھند کے موسم میں غیر ضروری سفر سے گریز کریں اور  گاڑیوں میں فوگ لائٹس  کا استعمال کریں۔