مستقل کارکردگی دکھانے کے باوجود قومی سلیکٹرز کی نگاہوں سے اوجھل رہنے والےفواد عالم نے قائداعظم ٹرافی کے میچ میں ڈبل سنچری بنالی۔

تفصیلات کے مطابق قائد اعظم ٹرافی کے نویں راؤنڈ میں سندھ کی نمائندگی کرنے والے ٹیسٹ کرکٹر فواد عالم نے ڈبل سنچری اسکور کرنے کےساتھ ساتھ فرسٹ کلاس کرکٹ میں 12 ہزار رنز  بھی مکمل کرلیے۔

آج کی سنچری کے بعد ڈومیسٹک کرکٹ میں فواد عالم کی ڈبل سنچریوں کی تعداد چار ہوگئی ہے جبکہ رواں سیزن میں یہ ان کی پہلی ڈبل سنچری ہے۔

200 up for @iamfawadalam25! #SPvSIN https://t.co/c2Q7mfSL9p pic.twitter.com/v5WUk52f20

Advertisement

— Pakistan Cricket (@TheRealPCB) November 27, 2019

اس کے علاوہ فواد عالم نے  اسی سیزن میں دو سنچریاں بھی اسکور کر رکھی ہیں۔

اس موقع پر فوادعالم نے سماجی رابطے کی ویب سائٹ ٹوئیٹر پر جاری پیغام میں مداحوں اور دوستوں کا  مبارکباد کے پیغامات بھیجنے پر شکریہ  ادا کیا۔

Thanks to every one for lovely tweets, messages & supporting always. Feeling blessed & so much motivated 😊 🙏🏼 #alhamdulillah #blessed

Advertisement

— Fawad Alam (@iamfawadalam25) November 27, 2019

واضح رہے کہ ڈومیسٹک کرکٹ میں کارکردگی دکھانے کے باوجود فواد عالم کو مسلسل نظر انداز کیا جارہا ہے۔سابق کھلاڑیوں سمیت کئی صحافی   اور شائقین بھی فواد عالم کو ٹیسٹ ٹیم میں شامل کرنے کا بارہا مطالبہ کرتے رہتےہیں۔

ٹیسٹ کرکٹر فواد عالم 164 فرسٹ کلاس میچوں میں 33 سنچریاں اسکور کرچکے ہیں جبکہ نیشنل اسٹیڈیم کراچی میں ان کی سنچریوں کی تعداد 7 ہوگئی ہے۔

یاد رہے کہ فواد عالم نے پاکستان کی جانب سے اپنا آخری ٹیسٹ میچ 10 سال قبل  نیوزی لینڈ کے خلاف کھیلا تھا جبکہ آخری ون ڈے میچ 2015 میں بنگلہ دیش کے خلاف  کھیلا تھا۔

فواد عالم نے تین ٹیسٹ میچز میں ایک سنچری کی بدولت 41.66 کی اوسط سے 250 رنز اسکور کرچکے ہیں جبکہ 38 ون ڈے میچز میں انہوں نے 40.25 کی اوسط سے 966 رنز بنارکھے ہیں۔