جمعیت علمائے اسلام (ف) کے سربراہ مولانا فضل الرحمان نے سابق صدر اور پاکستان پیپلز پارٹی (پی پی پی) کے شریک چیئرمین آصف علی زرداری سے ٹیلی فون پر رابطہ کیاہے۔

ترجمان جے یو آئی کاکہناہے کہ ٹیلی فونک رابطے میں مولانا فضل الرحمان نے آصف زرداری کی خیریت دریافت کی اوردونوں رہنماؤں نے ملکی سیاسی صورتحال پر تبادلہ خیال بھی کیا۔

واضح رہے کہ سابق صدر آصف علی زرداری کراچی کے نجی اسپتال میں زیر علاج ہیں ۔ جمعے کی شب عدالتی ضمانت پر رہائی پانے والے سابق صدر کراچی پہنچ گئے تھے۔

اس سے پہلےطبعیت ناسازی پراسلام آباد ہائی کورٹ نے جعلی اکاؤنٹس کیس میں سابق صدر کی درخواست منظور کرتے ہوئے ایک کروڑ کے دو مچلکےجمع کرانے کا حکم دیتے ہوئے ان کی ضمانت منظور کرلی۔

سابق صدر آصف زرداری کی جانب سےعدالت میں ایک ایک کروڑ روپے کے دو ضمانتی مچلکے جمع کروائے گئےجو احتساب عدالت نےمنظور کرتے ہوئے سابق صدر کی رہائی کےلئے روبکار جاری کیا۔

آصف زرداری کی رہائی کے احکامات موصول ہونے پر انہیں پمز اسپتال سےڈسچارج  کرکےکراچی منتقل کرنے کافیصلہ کیاگیا۔

یاد رہے کہ میڈیکل بورڈنے سابق صدر آصف علی زرداری کی طبی رپورٹ پیش کی تھی ، جس میں کہا گیا تھا کہ ملزم کا جیل میں علاج ممکن نہیں،آصف زرداری کو انجیو گرافی کی ضرورت ہے اور مزید اسٹنٹ ڈالنے کی صورت میں انجیو پلاسٹی بھی کرنا پڑےگی جیل میں رہنےسےجان کوخطرہ ہو سکتا ہے۔ جس کے بعد اسلام آباد ہائی کورٹ نے آصف زرداری کی طبی بنیادوں پر درخواست ضمانت منظورکی۔

سات ماہ سے نیب میں قید آصف زرداری پچھلے تین ہفتوں سےپمز اسپتال اسلام آباد میں زیرعلاج ہیں۔