سال 2022ء کا پہلا سورج گرہن کب ہوگا؟

ویب ڈیسک

15th Apr, 2022. 03:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سال 2022ء کا پہلا سورج گرہن کب ہوگا؟

رواں برس کا پہلا سورج گرہن 30 اپریل کو ہوگا جو صرف جنوبی امریکا کے کچھ حصوں اور انٹارکٹیکا دیکھا جاسکے گا۔

30 اپریل کو ہونیوالا یہ سورج گرہن جزوی نوعیت کا ہوگا جو براعظم انٹارکٹیکا، لاطینی امریکا کے جنوبی حصے، بحر الکاہل اور بحر اوقیانوس میں دیکھا جا سکے گا۔

سورج گرہن کا آغاز شام 6 بجکر 45 پر ہوگا جو رات 8 بجکر 41 منٹ پر انتہائی درجے پر ہوگا جبکہ رات 10 بجکر 37 منٹ پر یہ گرہن اختتام پذیر ہوجائے گا۔

اس گرہن کے دوران چاند سورج کے 54 فیصد حصے کو چھپا لے گا جس کے نتیجے میں سورج کا آدھا حصہ سیاہ نظر آئے گا۔

سورج گرہن اس وقت ہوتا ہے جب چاند سورج اور زمین کے درمیان آجاتا ہے اور دنیا پر اپنا سایہ ڈالتا ہے۔ یہ جزوی اور مکمل دونوں طرح ہوتا ہے اس کا انحصار اس بات پر ہوتا ہے کسی مقام سے سورج کتنا چُھپا ہوا دِکھتا ہے۔

جبکہ مکمل سورج گرہن میں چاند مختصر سے وقت کےلیے مکمل طور پر سورج کو چُھپا لیتا ہے اس طرح تینوں اجرامِ فلکی ایک سیدھ میں آجاتے ہیں اور دنیا سورج کی روشنی سے محروم ہوجاتی ہے دن میں بھی رات کا منظر دکھائی دیتا ہے۔