ڈی جی آئی ایس پی آر میجرجنرل آصف غفور نے کہا ہے کہ پرویز مشرف کیس کا فیصلہ تہذیب اور اقدار سے بالاتر ہے۔

تفصیلات  کے مطابق ڈی جی آئی ایس پی آر  میجر جنرل آصف غفور نے نیوز کانفرنس کرتے ہوئے کہا کہ جنرل (ر) مشرف کیس سےمتعلق پہلےمختصرفیصلہ آیااب تفصیلی آیا، فیصلے سے متعلق پاک فوج کے خدشات درست ثابت ہوئےاور ایسا فیصلہ ماضی میں کبھی نہیں آیا۔

 ڈی جی آئی ایس پی آر  نے کہا کہ پاک فوج ایک منظم ہے ، آج کےفیصلےمیں مذہب اورانسانیت سےبالاترالفاظ استعمال کیے گئے۔

میجر جنرل آصف غفور نے یہ بھی کہا کہ  وہ کام جودنیا کی کوئی قوم نہ کرسکی،پاک فوج نےعوام کیساتھ ملکرکر دکھایا اور ہم ملک کےلیےجانیں دینےکےحلف بردارہیں  جبکہ دشمن اوران کےسہولت کارکی بھی ہمیں سمجھ ہے۔

نیوز کانفرنس کرتے ہوئے میجر جنرل آصف غفور نے کہا کہ افواج پاکستان ایک ادارہ نہیں بلکہ خا ندان ہےجبکہ ہم اپنے ادارے کی عزت اور وقار کو ملک کی عزت ، وقار کے ساتھ برقرار رکھیں گے۔

ڈی جی آئی ایس پی آر کا کہنا تھا کہ دشمن کی کوشش رہی کہ پاکستان کوداخلی طورپرکمزورکیاجائے لیکن دشمن کی سازشیں کبھی کامیاب نہیں ہوں گی اور اگرہم دہشت گردی کامقابلہ کرسکتےہیں توداخلی چیلنجزکابھی مقابلہ کرسکتےہیں۔

پاک فوج کسی بھی بھارتی جارحیت کا منہ توڑ جواب دے گی، ڈی جی آئی ایس پی آر

میجر جنرل آصف غفور کا یہ بھی کہنا تھا کہ اس ملک کیلئے ہم نے بہت سی قربانیاں دی ہیں ، ہم اپنے بڑھتے ہوئے قدم کو پیچھے نہیں ہٹائیں گے اور اس استحکام کوہم کسی بھی صورت ریورس نہیں ہونے دیں گے ۔

 ڈی جی آئی ایس پی آر میجرجنرل آصف غفور  کا مزید کہنا تھا کہ پاکستان کو اندرونی اور بیرونی طور پر کمزور کرنے کی کوشش کی جارہی ہے جبکہ لوگ ہمیں آپس میں لڑانےکی سازش کررہےہیں لیکن ہم بیرونی دشمنوں کوناکام کریں گے۔

 واضح رہے کہ آج ہی سابق صدر جنرل ریٹائرڈ پرویز مشرف کے خلاف خصوصی عدالت کا تفصیلی فیصلہ سامنے آیا ہے جس میں انھیں سزائے موت دینے کی وجوہات کا تذکرہ کیا گیا ہے۔

تفصیلی فیصلے میں کہا گیا تھا کہ پرویز مشرف کو دفاع کا موقع دیا گیا، ملزم پر تمام الزامات ثابت ہوتے ہیں، دستاویزات میں واضح ہے ملزم نے جرم کیا، پرویز مشرف سنگین غداری کے مرتکب پائے گئے۔