صوبائی وزیراطلاعات فیاض الحسن چوہان نے کہاہے کہ پاکستان ایک طاقتور ملک ہے،پاکستان کی سیاسی و عسکری قیادت ایک پیج پر ہیں۔

فیاض الحسن چوہان کاکہناہےکہ سابق وزیراعظم شاہد خاقان عباسی نےوزارت عظمیٰ سے فارغ ہونے سے پہلے دعوی ٰ کیاتھا کہ پاکستان میں جو بھی حکومت آئے کی ملک کو دیوالیہ ہونے سے نہیں بچا سکے گی۔

انہوں نے کہا کہ اس دیوالیہ ہوتی حکومت کوعمران خان نےبچایاہے۔ وزیراعظم پاکستان پر اعتماد کرتے ہوئے عوام نےانہیں  ووٹ دیا تھا۔

فیاض الحسن چوہان کاکہناتھاکہ 2020 خوشحالی کا سال ہوگا،ان ہاؤس تبدیلی کی بات کرنے والے سن لیں کہ پی ٹی آئی حکومت پورے پانچ سال مکمل کرے گی، آل پاکستان لوٹ مارایسوسی ایشن سن لے کہ پی ٹی آئی کی قیادت میں ملک مستحکم ہوگا۔

صوبائی وزیر نے کہاکہ میں پیش گوئی کرتا ہوں کہ 2023 تک اور اس کے بعد بھی پی ٹی آئی کی حکومت ہوگی۔

ان کا کہناتھا کہ ابھی ن لیگ کی جوتصویروائرل ہوئی ہے اس میں آل شریف بڑے ہوٹلز میں بیٹھ کرنوازشریف شریف کی صحت پربات کررہےہیں۔

فیاض الحسن چوہان کامزید کہناتھا کہ وارڈنز نے صدر لاہور پریس کلب کے ساتھ جو بدتمیزی کی ہے اس پر میں انکوائری کمیٹی کا مطالبہ کرتا ہوں۔

انہوں نے کہاکہ ورکنگ جرنلسٹ میرے لیے قابل احترام ہیں، کسی سی ٹی او یا کسی پولیس اہلکار کو نہ ارشد انصاری کے ساتھ اور نہ کسی عام آدمی کے ساتھ بدتمیزی کی اجازت دی جائے گی۔