لاہورمیں فیکٹری میں آتشزدگی،11افراد جاں بحق

ثمرا مظہر

28th Jan, 2020. 10:19 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

لاہورمیں فیکٹری میں آتشزدگی،11افراد جاں بحق

لاہور کے علاقہ امامیہ کالونی کے قریب فیکٹری میں سلنڈر پھٹنے سے آگ بھڑک اٹھی جس کے نتیجے میں 2 خواتین اور 2 بچوں سمیت 11 افرادجھلس کرجاں بحق ہوگئےجبکہ واقعے میں 2افراد کے زخمی ہونے کی اطلاعات ہیں۔

تفصیلات کے مطابق ریسکیو ذرائع نے بتایا کہ پرفیوم بنانے والی فیکٹری میں سیلنڈر پھٹنے کے بعد آگ لگ گئی جس نے چند ہی پل میں پوری عمارت کو اپنی لپیٹ میں لے لیا۔

ریسکیو ذرائع نے بتایا کہ آگ کی شدت کے باعث فیکٹری کی عمارت کا کچھ حصہ بھی زمیں بوس ہوگیا۔

واقعے کے بعد اطلاع ملنے پرریسکیو کا عملہ موقع پر پہنچا اورامدادی آپریشن کرکے فیکٹری میں سے 2 خواتین سمیت 8 لاشوں اور 2 زخمیوں کو نکال لیا گیا جبکہ ایک شخص کو تشویشناک حالت میں میؤ اسپتال منتقل کردیا گیا۔

فیکٹری میں لگنے والی آگ کی شدت کے باعث ملحقہ مکانات بھی مکمل طور پر خالی کروا لیے گئے۔

واقعے میں جاں بحق ہونے والے 8 افراد میں سے 4 کی شناخت 65 سالہ زاہد، بیوی رشیدہ، 6 سالہ بیٹی اریبہ اور 9 سالہ موسیٰ کے نام سے ہوئی ہے۔

ریسکیو ذرائع کاکہناہے کہ آتشزدگی پرمکمل طور پر قابو پا لیا گیا ہے، فائربریگیڈ کی 10 گاڑیوں نے آگ بجھانے کے عمل میں حصہ لیا، جبکہ لاشوں کو فیروز والا کے مردہ خانے منتقل کردیا گیا ہے۔