پی ٹی آئی سندھ کے صدر علی زیدی نے کہا ہے کہ ہم پہلے پرامن احتجاج کر رہے تھے پر اب پورا ملک جام کریں گے۔
تفصیلات کے مطابق وزیر آباد واقعے کے خلاف پی ٹی آئی سندھ کے صدر علی زیدی نے ویڈیو بیان جاری کرتے ہوئے کہا کہ آج ہونے والے واقعہ کا ہمیں شک تھا، پہلے دن سے ہمیں اور عمران خان کو انفارمیشن آرہی تھی۔
علی زیدی نے کہا کہ پہلے دن سے عمران خان نے کہا تھا میں پاکستان پر سب کچھ قربان کرنے کیلئے تیار ہوں، پاکستان پر سب کچھ قربان کرنے کیلئے عمران خان نے اب مثال دے دی ہے۔
ان کا کہنا تھا کہ واقعے کے وقت ہم کنٹینر تک پہنچ چکے تھے، جیسے ہی ہم کنٹینر کے گیٹ تک پہنچے تو سامنے سے بولٹ کی آواز آئی، یہ کسی ایک شوٹر کا کام نہیں ہے۔
انہوں نے کہا کہ ہم پہلے بھی پرامن تھے اور آگے بھی رہیں گے، اب آپ ملک چلا سکتے ہیں تو چلا کر دکھائیں کیونکہ ہم اب پرامن احتجاج کے بعد پورا ملک جام کرنے جا رہے ہیں۔
واضح رہے کہ گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ کا واقعہ پیش آیا جس کے نتیجے میں عمران خان سمیت تحریک انصاف کے 4 رہنما زخمی ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News