احتساب عدالت اسلام آباد نے سابق وزیراعظم شاہد خاقان عباسی سمیت تمام ملزمان کو ایل این جی ریفرنس کیس میں بری کردیا ہے۔
کیس کی سماعت احتساب عدالت کے جج ناصر جاوید رانا نے کی، شاہد خاقان عباسی اپنے وکلاء کے ہمراہ عدالت میں پیش ہوئے۔
نیب نے شاہد خاقان عباسی کے خلاف ایل این جی ریفرنس واپس لینے کی استدعا کی جسے عدالت نے منظور کرتے ہوئے سابق وزیراعظم سمیت تمام ملزمان کو بری کرنے کا حکم جاری کر دیا ۔
عدالت نے نیب کی ریفرنس والپس لینے کی درخواست پر فیصلہ سنا دیا۔
واضح رہےکہ نیب کی جانب سے ایل این جی کی خریداری میں قومی خزانے کو 21 ارب روپے کا نقصان پہنچانے کا الزام عائد کیا گیا تھا اور اس ضمن میں سال 2019 میں شاہد خاقان عباسی کو گرفتار بھی کیا گیا تھا ۔
Advertisement
ایل این جی ریفرنس میں سابق وزیر خزانہ مفتاح اسماعیل ، سابق وزیراعظم شاہد خاقان عباسی اور ان کے بیٹے عبداللہ خاقان عباسی کو نامزد کیا گیا تھا جنہیں نیب پراسیکیوٹر کے ریفرنس واپس لینے کے بیان کی روشنی میں بری کرنے کا حکم جاری کیا گیا۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
