بھارت میں ہندوتوا حکومت نے میڈیا پر نئی پابندیاں عائد کردیں

ویب ڈیسک

10th Nov, 2022. 11:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت میں ہندوتوا حکومت نے میڈیا پر نئی پابندیاں عائد کردیں

بھارت میں ہندوتوا حکومت نے میڈیا پر نئی پابندیاں عائد کرتے ہوئے ٹی وی چینلز کے لیے قومی مفاد کے پروگرام دکھانا لازمی قرار دے دیا ہے۔

کشمیرمیڈیا سروس کی رپورٹ کے مطابق مودی حکومت نے ٹی وی چینلز کو اپ لنک اور ڈان لنک کرنے کے رہنما خطوط 2022 کی منظوری دی ہے۔

اس منظوری کے تحت اب ہر ٹی وی چینل کو قومی مفاد سے متعلق پروگرام نشر کرنے کے لئے روزانہ کم از کم 30 منٹ مقرر کرنا لازمی ہوگا۔

مودی حکومت نے اس سلسلے میں میڈیا کے لئے 8 موضوعات بھی جاری کیے ہیں جو 9 نومبرسے نافذ العمل ہوں گے۔

بھارتی وزارت اطلاعات و نشریات کے مطابق ٹی وی چینلز کو اس طرح کے پروگرامز کی تیاری کیلئے وقت دیا جائے گا۔

نئی گائیڈ لائنز کے مطابق ٹی وی چینلز کو تعلیم، خواندگی، زراعت، دیہی ترقی، صحت، خاندانی بہبود، سائنس اور ٹیکنالوجی جیسے موضوعات پر پروگرام دکھانا ہوں گے۔

علاوہ ازیں خواتین کی فلاح و بہبود، معاشرے کے کمزور طبقوں کی بہبود، ماحولیات اور ثقافتی ورثے کے تحفظ اور قومی یکجہتی کے پروگراموں کو شامل کرنا ناگزیر قرار دیا گیا ہے۔