شکر قندی کے فوائد سے کون واقف نہیں یہ اپنے صحت بخش اجزاء کی بدولت ایک بہترین سبزی تصور کی جاتی ہے تاہم اس کے پتے جنہیں کاموٹ ٹاپس کہا جاتا ہے دوسری سبزیوں کے پتوں کی نسبت نہ صرف بطور غذا استعمال کئے جاسکتے ہیں بلکہ  غذائیت سے بھرپور اور صحت بخش  ہونے کے ساتھ جادوئی فوائد بھی رکھتے ہیں۔

یہ پتے کئی طرح کے وٹامنز سے بھرپور ہوتے ہیں اور انہیں پالک کی طرح پکوان میں شامل کیا جاسکتا ہے۔

شکر قندی کے پتے وٹامن سی، اے، اینٹی آکسیڈینٹ، تھامین، رائبوفلاوین، فولک ایسڈ اور نیاسین کے حصول کا بہترین ذریعہ ہے۔ دیگر پتوں والی سبز سبزیوں کے مقابلے میں اس میں غذائی اجزاء اور غذائی ریشہ زیادہ ہوتا ہے۔ یہاں پر ان پتوں کے صحت کے حوالے سے فوائد پیش کئے جارہے ہیں۔

کاموٹ ٹاپس کے صحت کے فوائد:

ہڈیوں کی صحت کے ضامن

لوگوں کی اکثریت کا خیال ہے کہ ہڈیوں کو صحت مند رکھنے کے لیے صرف کیلشیم کی ضرورت ہوتی ہے۔ اگرچہ شکر قندی کے پتوں میں کیلشیم کی مقدار کم ہوتی ہے لیکن یہ وٹامن کے کے ساتھ مل کر صحت مند ہڈیوں کو فروغ دینے کے لیے مفید ہے، جو ہڈیوں کے ٹوٹنے کے امکانات کو کم کرکے آسٹیوپوروسس اور ہڈیوں کے نقصان کو روکنے میں مدد کرتے ہیں۔

ذیابیطس سے بچاؤ

کاموٹ کے پتے انسولین کی مزاحمت کو کم کر کے چینی کی سطح کو منظم کرنے میں مددگار ثابت ہوتے ہیں۔

یہی وجہ ہے کہ شوگر کے مریضوں کے لیے روزمرہ کی خوراک میں شکر قندی کے پتے شامل رکھنا ایک اچھا انتخاب ہے۔

آنکھوں کی صحت

وٹامن اے کو بینائی دوست وٹامن کہا جاتا ہے اور یہ شکر قندی کے پتوں میں وافر مقدار میں پایا جاتا ہے یہ وٹامن میکولر انحطاط کو روکنے میں مدد کرتا ہے جو اندھے پن کی سب سے بڑی وجہ ہے۔ تحقیق کے مطابق وٹامن اے، سی، ای، زنک اور کاپر کا استعمال میکولر ڈیجنریشن کے امکانات کو 25 فیصد تک کم کرنے میں مدددگار ثابت ہوسکتا ہے۔

اس کے علاوہ یہ خشک آنکھوں کا علاج میں معاون ثابت ہوتا ہے۔ وٹامن اے سٹارگارڈ کی جو کہ آنکھوں کی بیماری کی نشوونما کو کم کرنے میں بھی مدد کرتا ہے، جو کم عمری میں لوگوں میں بصارت میں کمی کا ذمہ دار ہے۔