بھارتی ریاست جھاڑکھنڈ میں نامعلوم افراد نے تاریخی مقام پر نصب مہاتما گاندھی کا مجسمہ گرا دیا. گاندھی کی برسی کے 10 دن بعد نا معلوم شرپسندوں مجسمہ ٹکڑے ٹکڑے کردیا۔
بھارتی میڈیا کے مطابق یہ واقعہ ریاست جھاڑ کھنڈ کے شہر ہزاری باغ میں پیش آیا، مجسمہ دریائے کنر کے کنارے گاندھی گھاٹ پر نصب تھا جہاں گاندھی کے جسم کی راکھ بہائی گئی تھیں۔
واقعہ رات کے اندھیرے میں پیش آیا جب نامعلوم افراد نے گاندھی کے مجسمے کو نقصان پہنچایا اور اسے توڑ دیا۔ پولیس حکام کے مطابق اس واقعے کی تفتیش شروع کردی گئی ہے جبکہ جائے وقوع پر پولیس اہلکاروں کو بھی تعینات کردیا گیا ہے۔
ڈپٹی کمشنر کے مطابق گاندھی کا نیا مجسمہ اسی مقام پر جلد ہی نصب کردیا جائے گا۔ علاقے کے ایم ایل اے سے فنڈز کے لیے درخواست کی جائے گی تاکہ اس مقام پر سی سی ٹی وی کیمرہ بھی نصب کیا جائے۔
انہوں نے واضح کیا کہ موقع پر تعینات پولیس اہلکاروں کے ساتھ ملزمان اور مجسٹریٹ کی شناخت کے لئے انکوائری کا حکم بھی دیا گیا ہے۔
Advertisement
یاد رہے کہ مودی کے برسر اقتدار آنے کے بعد سے بھارت میں تشدد کا نظریہ پروان چڑھ رہا ہے اور مہاتما گاندھی کے عدم تشدد کے نظریے کی کھلے عام مخالفت کی جارہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
