پاک بحریہ کی جانب سے سمندر میں کامیاب آپریشن کے تحت 2 ارب کی منشیات ضبط کر لی گئی ہیں۔

ترجمان پاک بحریہ کے مطابق پاک بحریہ کے جہاز نے سمندر میں کامیاب انسداد منشیات آپریشن کیا، جو کہ انٹیلیجنس کی معلومات کی بنیاد پر کیا گیا ۔

ترجمان نے بتایا کہ آپریشن کے دوران دو کشتیوں سے 1500 کلوگرام حشیش جبکہ 143 کلوگرام کرسٹل آئس ضبط کی گئیں ۔

ترجمان پاک بحریہ کے مطابق ضبط کی جانے والی منشیات کی قیمت عالمی مارکیٹ میں تقریبا 2 ارب روپے ہے ۔

پاک بحریہ کے ترجمان کا کہنا تھا کہ منشیات اسمگلنگ کے خلاف کامیاب آپریشن پاک بحریہ کی سمندر میں مؤثر نگرانی کا نتیجہ ہے ۔

ترجمان نے مزید کہا کہ پاک بحریہ ملکی سمندری حدود میں غیر قانونی سرگرمیوں کی روک تھام اور قانون کی عملداری کے لیے اپنی کاوشیں جاری رکھے گی ۔

انسداد منشیات آپریشن، 420 کلو گرام آئس کرسٹل برآمد

ایک ماہ قبل انسداد منشیات آپریشن کے دوران 420 کلو گرام آئس کرسٹل برآمد کرلئے گئے تھے۔

 بحیرہ عرب کے سمندر میں پاکستان میری ٹائم سیکیورٹی ایجنسی نے خفیہ اطلاع پر اسمگلرز کے خلاف کارروائی کی گئی تھی ۔

ترجمان نے بتایا تھا کہ پاکستان میری ٹائم سیکیورٹی ایجنسی اور کلیکٹو ریٹ آف کسٹمزانفو رسمنٹ کراچی کے مشترکہ انٹیلی جنس پر مبنی انسداد منشیات آپریشن میں منشیات کی بڑی کھیپ کی اسمگلنگ کو روکا گیا ۔

ترجمان نے بتایا کہ آپریشن کے دوران شمالی بحیرہ عرب سے تقر یباً 420 کلو گرام آئس کرسٹل لے جانے والی نا معلوم کشتی سمیت 05 اسمگلروں کو گرفتار کیا گیا ۔

ترجمان کا کہنا تھا کہ بین الا قوامی منڈی میں منشیات کی مالیت کا تخمینہ تقریباً 4.9 ارب روپے ہے۔