انسداد دہشتگردی عدالت نے عمران خان کی عبوری ضمانت میں 21 جولائی تک توسیع کر دی

منیر احمد باجوہ

07th Jul, 2023. 10:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انسداد دہشتگردی عدالت نے عمران خان کی عبوری ضمانت میں 21 جولائی تک توسیع کر دی

انسداد دہشت گردی عدالت نے چیئرمین تحریک انصاف عمران خان کی سات مقدمات میں عبوری ضمانت میں 21 جولائی تک توسیع کا حکم دے دیا۔

تفصیلات کے مطابق کیس کی سماعت جج اعجاز احمد بٹر نے کی۔

سماعت کے دوران جج اعجاز احمد بٹر نے عمران خان کو 14 جولائی کو تفتیش میں لازمی شامل ہونے کا حکم دیتے ہوئے کہا کہ پچھلی 14 جون تاریخ سے لے کر آج تک شامل تفتیش کیوں نہیں ہوئے؟

عمران خان نے جواب دیتے ہوئے کہا کہ 180 کیسز پاکستان کی تاریخ میں کبھی نہیں ہوئے۔

جج نے جواب دیتے ہوئے کہا کہ مسٹر نیازی ایسا ہی ہو گا، 14 تاریخ سے لے کر آج تک اپنا سارا شیڈول بتائیں، ایک بھی دن آپ لاہور میں موجود ہوئے اور کورٹ میں پیشی نہ ہوئی تو ضمانت خارج کر دوں گا۔

چیئرمین پی ٹی آئی نے کہا کہ آج شام 4 بجے آئی ایم ایف کا وفد مجھے ملاقات کرنے آرہا ہے۔