جنرل سیکریٹری پیپلز پارٹی وسطی پنجاب سید حسن مرتضیٰ نے بڑھتی مہنگائی کے پیش نظر اتحادی حکومت کو تنقید کا نشانہ بنایا۔

تفصیلات کے مطابق حسن مرتضیٰ نے اپنے ایک بیان میں کہا کہ بجلی کی قیمت میں آٹھ روپے فی یونٹ اضافہ عوام پر بم بن کر گرا ہے، پچھلی حکومت کے لیے گئے قرضوں کو بجلی کے بلوں سے نکلوانا کہاں کا انصاف ہے؟

حسن مرتضیٰ نے کہا کہ پیپلز پارٹی نے اتحادی حکومت کا ساتھ عوام کو ریلیف فراہم کرنے کے لیے دیا تھا، آئی ایم ایف کیساتھ ڈیل کرتے وقت حکومت عام آدمی کی مالی حیثیت کو بھی مد نظر رکھتی، قوم میں اب مزید مہنگائی کو برداشت کرنے کی سکت نہیں ہے۔

ان کا کہنا تھا کہ پیپلز پارٹی کے لیے مشکل ہے کہ عوام کو مہنگائی سے بلکتا دیکھ کر خاموشی سے بیٹھی رہے، پیپلز پارٹی سندھ میں عوام کو ریلیف دیتی ہے تو وفاق میں اتحادی حکومت کو کہنا بھی ہماری زمہ داری ہے۔

انہوں نے مزید کہا کہ پیپلز پارٹی قیادت سے گزارش ہے کہ اتحادی حکومت میں اپنے آئینی کردار کیساتھ عوام کو مہنگائی سے ریلیف دینے کی بات ضرور کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں