استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان نے کہا ہے کہ ہماری پارٹی جدید طرز سیاست کی علمبردار ہے۔

تفصیلات کے مطابق چٸیرمین استحکام پاکستان پارٹی (آٸی پی پی) کی پارٹی سیکرٹریٹ میں رہنماؤں سے ملاقات ہوئی۔

ملاقات میں مرکزی سیکرٹری اطلاعات ڈاکٹر فردوس عاشق اعوان بھی موجود تھیں۔

تمام رہنماوں کی بٹگرام میں پھنسے بچوں کی بحفاظت بازیابی کے لٸے خصوصی دعا کی۔

پارٹی رہنما نے کہا کہ پاک فوج کے کمانڈوز کی سلنگ آپریشن میں کامیابی کے لٸے پر امید ہیں، پریشانی کی اس گھڑی میں تمام قوم سراپا دعا ہے۔

چٸیرمین آٸی پی پی کی ضلعی کمیٹیوں کے سربراہان سے بھی ملاقات ہوئی جس میں انہوں نے ضلعی صدور کو اپنے اپنے حلقوں میں پارٹی کو متحرک بنانے کی ہدایات دیتے ہوئے کہا کہ ضلعی کمیٹیاں اپنے اپنے حلقوں میں پارٹی میٹنگز اور ایونٹس پلان کرے، پارٹی کو فعال بنانے کے لٸے نوجوانوں کو خاص طور پر پارٹی کا حصہ بنایا جاٸے۔

استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان نے اپنے ایک بیان میں کہا کہ ملاقات میں ضلعی سطح پر أیونٹس کیلنڈر ترتیب دینے کی ہدایات کی ہے، چٸیرمین پارٹی نے حلقوں میں پارٹی پرچم لہرانے کی بھی ہدایات کی ہے۔

  ڈاکٹر فردوس عاشق اعوان نے کہا کہ ہماری پارٹی کا پرچم انفرادیت اور یگانگت کا حامل ہے، یہ پرچم اپنا تعارف آپ ہے اور ہماری پارٹی جدید طرز سیاست کی علمبردار ہٕے۔