قبائلی اضلاع میں صوبائی اسمبلی کی 16 نشستوں پر انتخابات کے لئے پولنگ شروع ہوگئی۔

تفصیلات کے مطابق ‏پی کے 100 سے پی کے 115 تک 7 سابقہ فاٹا ایجنسیوں اور ایک سابقہ ایف آر میں انتخابات کیلئے پولنگ کا عمل جاری ہے۔

 ‏ضلع باجوڑاور ضلع خیبر کے 3،3 حلقوں میں پولنگ جاری ہے،‏کرم،مہمند، جنوبی،شمالی وزیرستان کے 2،2 اورسابقہ ایف آر کےایک حلقے میں پولنگ جاری ہے۔

 ‏باجوڑ کے حلقہ پی کے 100 میں 12 امیدوار میدان میں ہیں جبکہ پی کے 101 میں 15 امیدوار مدمقابل ہیں۔

 ‏باجوڑ کے حلقہ پی کے 102 میں 12 امیدوار،‏مہمند حلقہ پی کے 103 میں 14 امیدوار،‏ حلقہ پی کے 104 میں 18 امیدوار مد مقابل ہیں۔

 ‏ضلع خیبرکے حلقہ پی کے 105 میں 22 امیدواروں کے درمیان مقابلہ ہے،حلقہ پی کے 106 میں 19 امیدوار، حلقہ پی کے 107 میں 18 امیدوار میدان میں ہیں۔

‏ضلع کرم کے حلقہ پی کے 108 میں 31 امیدوار مد مقابل ہیں،حلقہ پی کے 109 میں 22 امیدواروں کے درمیان مقابلہ ہے۔

‏اورکزئی کےحلقہ پی کے 110 میں 24 امیدوار میدان میں ہیں جبکہ ‏شمالی وزیرستان کے حلقہ پی کے 111 میں 19 امیدوار میدان میں ہیں،حلقہ پی کے 112 میں 20 امیدوارمد مقابل ہیں۔

‏جنوبی وزیرستان کےحلقہ پی کے 113 میں 20 امیدواروں کے درمیان مقابلہ ہے،حلقہ پی کے 114 میں 21 امیدوار، ‏سابقہ ایف آر حلقہ پی کے 115 میں 10 امیدوارمیں مقابلہ ہے۔

سیکیورٹی انتظامات میں پولنگ کا عمل صبح 8 بجے شروع ہوا جو شام 5 بجے تک جاری رہے گا۔