بھارتی کرکٹر رشبھ پنت کو ڈیڑھ کروڑ کا چونا لگ گیا

ویب ڈیسک

29th Dec, 2023. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی کرکٹر رشبھ پنت کو ڈیڑھ کروڑ کا چونا لگ گیا

بھارتی کرکٹر رشبھ پنت کے ساتھ ڈیڑھ کروڑ کا فراڈ سامنے آیا ہے۔

میڈٰیا رپورٹس کے مطابق بھارتی کرکٹر رشبھ پنت کے ساتھ 1.63 کروڑ کا فراڈ ہوا ہے جس کے ملزم کو پولیس نے گرفتار کرلیا ہے۔

رپورٹ کے مطابق 25 سالہ مرنانک سنگھ خو کو آئی پی ایل کا کرکٹر ظاہر کرتا تھا اور دولت کی خاطر اس نے کئی لوگوں سے فراڈ کیا۔

مرنانگ سنگھ نے دولت کی خاطر ہی پہلے میدان چھوڑا اور پھر دولت مند لوگوں کو ٹھگنے لگا جس کی تازہ مثال رشبھ پنت ہیں۔

پولیس کا کہنا ہے کہ ملزم نے دھوکہ دہی سے بھارتی کرکٹر رشبھ پنت کو ڈیڑھ کروڑ روپے سے زائد کا چونا لگایا ہے جب کہ پولیس نے کارروائی کرتے ہوئے اسے گرفتار کرلیا ہے۔

پولیس کے مطابق ملزم نے 2020 سے 2021 کے دوران رشبھ پنت سے رقم حاصل کی، علاوہ ازیں ملزم نے مختلف کیب ڈرائیورز اور ریسٹورنٹس سے بھی دھوکہ دہی سے رقم حاصل کی ہے۔

بھارتی میڈیا کا کہنا ہے کہ ملزم فراڈ کرتے وقت خود کو ایک کھلاڑی یا سینئر پولیس افسر ظاہر کیا کرتا تھا جب کہ پولیس نے اس کے موبائل سے کئی خواتین کی قابل اعتراض تصاویر بھی برآمد کی ہیں۔

مرنانک سنگھ کا دعویٰ ہے کہ وہ ہریانہ سے انڈر 19 کرکٹ اور 2014 سے 2018 تک ممبئی انڈینز کے لیے بھی کھیل چکا ہے۔