پالتو جانور اور ان کی محبت کا کوئی مول نہیں ہوتا ہے خاص طور پر جب ان کا مالک بیمار یا افسردہ ہوتا ہے تو انہیں بھی اس کا احساس ہوتا ہے۔

حال ہی میں سوشل پلیٹ فارم  پر ایک ویڈیو پوسٹ کی گئی ہے جس میں دیکھا جاسکتا ہے کہ ایک پالتو کتا ایمبولینس کے اندر جانے کی کوشش کر رہا ہے۔

Our dogs form close bonds with us and stick by our side no matter what
byu/alanboston inMadeMeSmile

ویڈیو میں دیکھا جاسکتا ہے کہ ایمرجنسی صورتحال میں ایک شخص کو ایمبولینس میں لے کر جایا جارہا ہے اور ایک پالتو کتا ایمبولینس کے اندر جانے کی کوشش کرتا ہے لیکن اسے فوری طور پر گاڑی سے اتار دیا گیا جس کے بعد کتے نے ایمبولینس کا پیچھا کرنا شروع کردیتا ہے۔

کتا مسلسل ڈرائیور پر بھونکتا رہا اور ایمبولینس کے گرد چکر لگاتا رہا اور اس طرح سے کتے نے مشکل وقت میں اپنے مالک کے ساتھ رہنے کی اپنی شدید خواہش کا اظہار کرنے کے لیے ایک “غیر معمولی کوشش” کی۔

بعدازاں جب ایمبولینس ٹیم نے یہ سب دیکھا تو عملے نے مریض کے پیارے دوست کو گاڑی کے اندر بٹھایا اور اسپتال کی طرف چل پڑے۔

سوشل میڈیا صارفین کی جانب سے ایک ویڈیو کو بہت پسند کیا جارہا ہے جبکہ اب تک اس ویڈیو کو 9 ہزار سے زائد لائکس بھی مل چکے ہیں ۔

بعض صارفیں نے اس ویڈیو میں پالتو کتوں کی اپنے مالک سے بے انتہا محبت اور وفاداری کی نشاندہی کی ہے جبکہ بعض نے کتوں کو انسان کا بہترین ساتھی قرار دیا ہے۔