سردی کی شدت؛ ایل پی جی کی قیمتوں میں خودساختہ اضافہ

ملک سعید اعوان

19th Jan, 2024. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سردی کی شدت؛ ایل پی جی کی قیمتوں میں خودساختہ اضافہ

اسلام آباد: سردی کی شدت کے پیش نظر لیکوڈ پیٹرولیم گیس (ایل پی جی) کی قیمتوں میں خودساختہ اضافہ ہو گیا ہے۔

ایل پی جی کی قیمت میں فی کلو 10 روپے کا مزید اضافہ کر دیا گیا ہے، گھریلو سیلنڈر کی قیمت میں 120 اور کمرشل سیلنڈر کی قیمت 450 روپے کا بلاجوز اضافہ کیا گیا ہے۔

اس حوالے سے ایل پی جی ایسوسی ایشن عرفان کھوکھر نے کہا ہے کہ ایل پی جی مافیا 320 سے 330 روپے فی کلو فروخت کر رہا ہے، مہنگی ایل پی جی فروخت کرنے والوں کے خلاف اوگرا کوئی کارروائی نہیں کررہا۔

انہوں نے کہا کہ ایل پی جی مارکیٹنگ کمپنیوں کے خلاف کارروائی عمل میں لائی جائے، 300 روپے سے لے کر 310 میں ایل پی جی خرید کر کیسے 280 یا 290 روپے میں فروخت کریں۔

عرفان کھوکھر نے مزید کہا کہ کمپنیاں مہنگی ایل پی جی فروخت کر کے روزانہ کروڑوں روپے کما رہی ہیں، نگران حکومت فوری ایل پی جی مافیا کے خلاف کارروائی کرے۔

یاد رہے کہ ایل پی جی کی رواں ماہ کے لیے اوگرا کی جانب سے سرکاری قیمت 256 روپے مقرر ہے۔