مزید طوفانی بارشوں کی پیشگوئی، الرٹ جاری

ویب ڈیسک

15th Apr, 2024. 03:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مزید طوفانی بارشوں کی پیشگوئی، الرٹ جاری

محکمہ موسمیات نے مزید طوفانی بارشوں سے متعلق الرٹ جاری کر دیا ہے۔

محکمہ موسمیات کا کہنا ہے کہ ملک بھر میں مزید طوفانی بارشوں کا امکان ہے، ڈی جی خان، اورکوہ سلیمان کے ندی نالوں میں شدید طغیانی کا خدشہ ہے، مری اورگلیات میں بارش کے باعث لینڈ سلائیڈنگ ہو سکتی ہے۔

متعلقہ اداروں کی جانب سے الرٹ جاری کردیا گیا ہے، ڈیزاسٹر مینجمنٹ اتھارٹی پنجاب کا کہنا ہے کہ پنجاب میں آج گرج چمک کے ساتھ طوفانی بارشوں کے امکانات ہیں، لاہور، راولپنڈی، گوجرانوالا، فیصل آباد، سرگودھا، ڈیرہ غازی خان، ملتان، ساہیوال اور بہاولپورڈویژن میں بارش متوقع ہے۔

اس حوالے سے ڈی جی پی ڈی ایم عرفان علی کاٹھیا کا کہنا ہے کہ بالائی پنجاب کے اضلاع میں ژالہ باری کے امکانات ہیں جبکہ موجودہ موسمی صورتحال میں آسمانی بجلی کی گرج چمک کے امکانات زیادہ ہیں۔

انہوں نے شہریوں سے اپیل کرتے ہوئے کہا کہ آسمانی بجلی سے بچاؤ کیلئے محفوظ مقامات پر رہیں۔ خراب موسمی صورتحال میں کھلے آسمان تلے ہرگز مت جائیں۔

پی ڈی ایم حکام کا کہنا ہے کہ آسمانی بجلی بارش برسانے والے سسٹم سے دس میل دور تک گر سکتی ہے۔